可能只是會被罵或且損失咗 D 口福；但是歷史上層經有 D 人卻因錯過了一
班車∕一班機而拾番一條命！那是好彩還是命運安排呢？像昨天新聞透視中
，那件令人傷感的菲律賓旅遊事件中，那對逃出生天的老夫婦所說的一樣
『能逃出生天不會感到真正開心，因為不竟有其他團友死亡！能夠生存只能
說是命運安排！學懂更加珍惜眼前一切人和事！』
感觸？是的！那一天晚上因為晏了回家，所以在繁忙時間等的士，而
那天剛好有很多人排隊；不過卻是人等車，排响我前面的是一個男人與狗及
一對母女，她的囡囡很黏身，原來是攰極了！後來，終於有車來了；其時男
人就對母女講『不如比妳哋上先啦！我見妳囡囡好攰！』（ㄚ！原來佢哋唔
係一家人？起初我仲以為佢哋係一個 family 添！E！個男人又幾好人喎！）
心諗！之後，又有一架車嚟！個男人望了我一眼，好似想讓我咁；但可惜响
我後面又有一對老夫婦及很多人，佢能夠讓得幾多人呢？佢自己都抱住隻睇
落幾重嘅狗，於是佢唯有上車！
跟住無耐，就有車嚟啦！就當我架車開到回旋處，我就見到那個好心
男架車撞咗！非常好彩，佢安然坐係車內，無受傷！
我又心諗，佢究竟算是好彩定係唔好彩呢？！如果佢唔係好心讓車，
咁撞車嘅可能就係對母女！又或者，個男人唔係好心幫人，佢就唔會安然坐
係車內！無論結果如何，都好像上天幫你安排了一樣，但是在過程中你的想
法如何，卻會令你置身於幸運與不幸當中！
這件事當中，若果你是那個好心男人，你會心諗：a) 唉…真係唔好彩
啦！如果唔係讓咗架車比人，就唔會攪到自己撞車啦！ b) 呀…真係好彩啦！
對母女無搭到尼架車！可能係好心有好報，所以自己同愛犬都無受傷！
Anyway, 最終嘅答案，只能在事件發生中才能得到！
當我落車後，發覺對母女嘅目的地，原來同我一樣！ㄚ！心諗，好在
她們無搭到果架車咋！原來有時有 D 人做咗好心，唔係無人知嫁！雖然，當
事人未必知，但是個天會知，其他人亦都會見到！
錯過–係好定唔好？Maybe，只有天會知道！
沒有留言:
發佈留言