第一次自制 – 西多士

   其實，望住 D 有皮又硬嘅方飽，就無乜胃口啦！想整三文治

又嫌塊包太硬，所以忽發奇想；想自制西多，試試看！

 係我印象中，西多士 – 好似好易整咁！於是，就憑想像中嘅步驟：
花生醬、蛋汁及落油煎。一個個 step 做，又真係唔難喎！其實最

麻煩都係切麫包皮啫！（A！你知唔知呀！原來用剩番果 D 麫包皮
，再撈埋剩番嘅蛋汁，去煎，真係好香脆嫁；假如再加少少蜜糖水
埋尾，相信食起嚟個味道仲正呀！）

做法： –

1) 先在其中一塊麫包揸上花生醬→

2) 然後合埋好似一份三文治咁→再張成份麫包淹入已打好嘅蛋汁

，直至整份方包完完全全沾上蛋汁（1通常隻蛋就 ok 嫁啦！）→

3) 然後落油→油滾滾地就放入去煎 （千祈唔好太大火呀，否則

濃晒就陰功豬囉！）

4) 登登登登……美味西多士就完成啦！係咪好 Easy 呢？

☆★貼士：– 個人認為必定要先査牛油，再放糖醬先至好味★☆
 不過，當你親身制作西多，你就知幾唔健康啦！又雞蛋、油

、牛油同埋花生醬，仲要煎添！Hey hey，算啦一次半次！
  哈，自己食果鎮，就覺得個味點解爭咗 D 嘅？明明個 step

無做錯架？！
心諗一定係個蜜糖唔對味啦！後來，到老公食果鎮我先至知

，個問題原來係出係 – 我食果時漏咗揸牛油呀！

嘿，原來揸完牛油之後，再加蜜糖係咁正嘅！ Yummy！

仔仔同老公都讚！哈哈…第一次成功！^∪^

但一人一份，真係好飽呀！鎮間點食飯呀？！
 
P.S. : - 小貼士

1)個蜜糖漿，可以用屋企嘅蜜糖加少少水嚟代替西士糖漿嘅！如果

蜜糖夠稀，仲可以唔駛加水添！

2)麫包，千其唔好用無皮果 D包；因為太軟，唔夠挺身，做出嚟

味道會爭好遠嫁！