果日咁難得先至可以同老友 R 見面，我又點會咁易放佢走ㄚ，所以
一於要佢食埋晚飯先可以走。下晏 tea 完，飽飽地，佢又唔想去 shopping
洗錢，於是佢淨係換咗套保濕護膚品比我（因為我實在太 dry–塊面。所以
話呢佢個衰婆真係我心，若果佢可以飲少 D 酒就好嗱！）；就上咗我公司等
咗我一粒鐘啦！(I'm so sorry, 仲諗住自己可以响半粒鐘攪掂添！)
本來想同佢食好 D，但旺角區想搵個食野 Ok又好坐嘅真係無乜好選擇
，我哋又無 mood 唱 K，於是我哋就唯有去潮館食晚飯嗱！無他嘅，尼道食
嘅雖然唔係正宗嘅潮菜，味道亦都普普通通；但係勝在平，又免茶、免加一，
坐得都算幾舒服。只係尼道無乜 service，可能係無收 service charge 嘅關
係掛；但可以同 R 傾耐 D，坐幾耐都無人理，咁幾好ㄚ！其實我上次都同 D
舊同學食過飯，都知道尼道嘅晚飯水準嫁啦！只不過，而家出街食飯都好似
無乜邊間又好食、又好坐，我仲覺得普遍嘅食物水準同通脹係道背道而馳緊
，完全唔成正比！
我哋 order 咗個糖醋麵、滷水雙并、蠔仔粥、新鮮∕上湯西洋菜及
水晶飽（4個），埋單都係 HKD200蚊 D，咁你話抵唔抵（旺角區）？！
R 嫌糖醋麵做法唔夠正宗（麵太薄身），我就覺得OK，因為我根本
就唔會食得正宗，個麵夠脆就 OK啦！因為我好討厭食醋，所以我係絕不加
醋嫁！至於糖？無端端加 D 糖落去，麵還麵、糖還糖咁，咁奇怪！So, 我的
飲食化文就係咁奇特！
滷水雙并入面，除咗鴨同大腸之外仲有豆腐嫁！味道OK，不過 D滷水
汁嘅味精就多咗 D！至於，蠔仔粥味道OK嫁，入面仲有幾塊方魚添！最值得
推介竟然係個西洋菜，咪睇佢個樣無乜特別；但食落夠鮮味，我哋成鍋食晒！
尼道嘅甜品，最正嘅係芋泥同水晶飽（無論係奶黃定係豆莎都好味）。Hm
…食完甜品，尼餐真係完美落幕！
每次見完 R 之後，我都好似吸咗啖新鮮空氣咁，成個人都 refresh晒！
其實最我希望尼個老友可以活得輕輕鬆鬆、開開心心及健健康康就夠啦！因
為要照顧長期病患者，佢嘅家人真係好辛苦。（不無論係心境同荷包）睇見
佢多年來一單比一大單，佢背負嘅實在太辛苦了……Anyway, 好在佢同我
都係一 D 極之樂觀嘅人，發泄過後好快就可以 recover。
潮館
旺角新世紀廣場 7/f
Tel.: 26283728
沒有留言:
發佈留言