犬夜叉 (漫畫) - 卡通片結局了！

            幾個月之前無端端迷上「犬夜叉」尼套動漫，結果傳染了仔仔同老公

都追埋一份。唉！其實對動漫迷嚟講倒數結局篇嘅心情真係好矛循，既想知

個結局，但係又極之唔捨得；仲有呀，如果跟住頂替果套動畫唔好睇嘅話，

就會覺有 D 失落感！隨住「犬夜叉」結局，日本地震及洩漏核輻射，我仔仔

的戀情亦宣告落幕了……不過佢同 D同學竟然最擔心係漫畫家們嘅安危！Oh

My God…小朋友們！你哋真係要從新教育了！Anyway, 我誠心祈求日本

可以安然渡過今次核輻射洩漏危機，並能夠盡早重建社會及經濟吧！

        講番高橋瑠美子老師畫完尼套漫畫，其實係係 1996 年開始响漫畫雜

誌連載，總共連載了 558 話，共發行了 56 本漫畫；而整套動畫亦有成 167

話之多，淨係播都播咗成 4 年。其實尼套漫畫已經完結咗好耐，而且响網上

面亦已經轉載有整套嘅動、漫畫結局；不過無論如何我都會租番成套漫畫返

嚟慢慢睇重溫多次嘅，唔知套動畫好睇 D ㄚ定係漫畫呢？！（話時話ㄚ，其

實做漫畫家真係好辛苦嫁，淨係度橋都經已諗到頭都爆啦！好似我追開果套

動漫 NaNa 世上另一個我嘅漫畫家–矢澤愛老師咁，佢畫到病咗！希望

矢澤愛老師妳快 D好返，繼續畫番 NaNa 尼套漫畫嘅連載，因為都停咗成

年啦！吊癮真係好辛苦嫁！好想知個結局係點呀！I miss you Nana 同

八子）！

       犬夜叉係講述一個正在讀初中嘅少女日暮籬，她係一個家住在神社的

普通女孩子。在她十六歲那天，被─隻百足妖婦拖入神社的枯井中，來到了

500年前的日本戰國時代，並與被巫女桔梗封印的半妖犬夜叉相遇。犬夜叉

自稱是為得到四魂之玉，以成為真正的妖怪，但實際上並非完全如此。來到

戰國時代的阿籬因外貌與已逝世的巫女桔梗相似，而阿籬體內藏有四魂之玉

，又有靈力將被桔梗封印了的犬夜叉喚醒，所以被誤認為是桔梗的轉世。

       由於阿籬不小心將四魂之玉用箭射碎，並散至各地；但因為四魂之玉

嘅碎片，可以大幅提升妖怪的靈力，並且有部份碎片已落入妖怪奈落手中；

所以阿籬便與犬夜叉踏上了搜集四魂之玉嘅冒險旅程，及後遇上了彌勒法師

、珊瑚、琥珀、七寶、鋼牙、全妖哥哥殺身丸、小玲、邪見及冥加爺爺…等

等，並且為了要消滅奈落，而展開了慢長的除魔滅妖之旅……。

        
四魂之玉：是巫女翠子和妖怪戰鬥了 7日7夜，眼見快要敗給妖怪時，就把

              自己和妖怪的靈魂拿出體外，而這些靈魂便成為了“四魂之玉”

              。能夠擁有四魂之玉嘅碎片嘅人類又或者妖怪；都可以大大提升

              靈力，並且可以得到不死嘅身軀。如果能夠將所有嘅四魂之玉碎

              片集合，就可以達成一個願望。

        
         睇完「犬夜叉」尼套動畫之後，我就勁愛上，而且 cool cool 嘅

殺身丸仲好型仔添！仔仔最喜歡係犬夜叉同桔梗果段感情，但我就覺得犬夜

叉同阿籬夾 D。唔知你哋又鍾唔鍾意尼套動畫呢？

        因為「犬夜叉」這套動畫响日本已經播了長達 4 年之久，所以當中

更有唔少出名嘅歌星∕樂隊為佢唱過片頭或且片尾嘅歌，其中包括有殿堂級

嘅滨崎步，好歡迎嘅 V6 同龍與翼添！响咁多首好聽嘅歌曲當中，有幾首我

同仔仔都非常鍾意聽，唔知你又鍾唔鍾意聽呢？


以下是「犬夜叉」的部份歌曲同大家分享：–

1) I want to change the world     樂隊： V6

http://www.youtube.com/watch?v=3DM3x3UEXDk


2) 君がいない未来        樂隊：  大無限樂團  (Do as Infinity) ★★★ 

http://www.youtube.com/watch?v=iHTI32lTuKQ


3) 終わりない 夢           歌手：  相川七瀨

http://www.youtube.com/watch?v=aVYBElSWbJ0

4) One Day, One Dream            樂隊： 龍與翼

http://www.youtube.com/watch?v=rGSLHa8fiHc


5) ANGELUS                            歌手：  島谷瞳

http://www.youtube.com/watch?v=lXcUSBdPYSA

6)  最愛 Dearest                      歌手：  滨崎步  ★★★

http://www.youtube.com/watch?v=9qNDh673Ots

7) 真実の詩                     樂隊： 大無限樂團 (Do as Infinity) ★★★★

http://www.youtube.com/watch?v=7UvdKt3hLNM

8) Come                                歌手：  安室內美惠  ★★

http://www.youtube.com/watch?v=ZGsL4xVoLmA

9
) Brand new world                 樂隊：  V6

http://www.youtube.com/watch?v=tkNyFRGHq58

10) Diamond                          歌手：  Alan   ★★

http://www.youtube.com/watch?v=mIiU_YRQx-U

11) With you                         樂隊：  AAA    ★★★★  

http://www.youtube.com/watch?v=khYf-Od6w1E

http://www.youtube.com/watch?v=en0C6cGzWNQ


12) My will  我祈祷                  樂隊：   Dream

http://www.youtube.com/watch?v=JP69tJvA0_I

13) 樂園  (紅蓮の蓬莱島)   樂隊：  大無限樂團 (Do as Infinity) ★★★

http://www.youtube.com/watch?v=UuD42f_n_38

14) 深 い森           樂隊：  大無限樂團 (Do as Infinity) ★★

http://www.youtube.com/watch?v=qIoDWTF0qSo

15) Every Heat                        歌手：  Boa   ★★

http://www.youtube.com/watch?v=jcxTZFKjDIQ


（劇場版）跨越時代的思念           歌手：  滨崎步
http://www.youtube.com/watch?v=DDtGTzDImR4


（劇場版  鏡中的夢幻城）世界 止めて   歌手： 竹井詩織里

http://www.youtube.com/watch?v=MvoD1auCznA

「犬夜叉」官方網站

http://www.sunrise-inc.co.jp/yasya/


中視「犬夜叉」每集劇情及劇照

http://www.ctv.com.tw/ctv_entertainment/entertainment_3/9310_1_01.php


以上資料部份參考自「犬夜叉」維基百科

http://zh.wikipedia.org/wiki/%E7%8A%AC%E5%A4%9C%E5%8F%89

 

學童歪腰骨

星期三同仔仔返健康院睇片（X-Ray ＋ 莫爾照相）兼見醫生，再檢查

仔仔歪咗嘅腰骨有無好轉；又或且有無轉差。其實上年做體檢嘅時候就發現到

佢兩邊嘅腰骨唔 balance, 仔仔嘅 case 係腰背間位置有一邊凸起咗；兩邊相

差了 6℃，而整條脊椎歪咗 16℃, 醫生話佢嘅 case 唔算嚴重；左右腰骨高低

相差了兩格，不過因為學童响發育增高當中，所以要 keep 住每半年量度度數

。Actually 係乜都做唔到，無得攪，只能夠 check & wait！吓，等？無錯！

        作為家長聽到只能夠等消息，真係相當無助！阿醫生咁係咪即係等條腰

骨自己變返好，定係等佢變得更差呢？因為尼 D case 再差落去都只係得兩個

選擇：1）歪到 20 幾度，然後醫生會寫紙比你去做個架，帶响學童嘅背脊，

2）歪到 S 晒，然後去開刀做手術矯型。

         而尼資料都係我同朋友們傾偈，傾開先至知道，原來依家有好多學童

都被發現有歪腰骨嘅情況；而估計大部份都係坐姿不正確或天生，另外女學

童嘅人數較男學童多。學童一般經過體檢發現，之後醫生會要學童去做一個

“莫爾照相”，看看整條脊柱嘅情況，如發現情況差會再做脊柱 X 光；但係

最終都只能係覆診觀察→然後又再覆診觀察→……至於意意何在呢？醫生話

「係怕脊柱歪得更差喎！」

        唉……醫學昌明，但係原來醫生所能夠醫治嘅病都係有限嘅……咁家

長又可以為自己嘅子女做 D 乜呢？！朋友嘅仔仔比我們嘅情況還差，所以佢

嘅仔仔要配帶一個又大又焗嘅架响個背脊道，唉！試問咁大個仔（中學生），

又點肯帶住個咁異相嘅野返學ㄚ！而且個膠架都係令到你嘅情況唔再轉差嫁

咋，係幫唔到 D 乜嫁！因為骨係自己生長嫁嘛！

           其實香港有無 D 醫學研究過，香港歪脊柱嘅學童會唔會較其他國家嚴

重呢？可唔可以研究吓點樣幫學童們減輕果個成 10 幾 20 磅重嘅書包呢？

仲有，我個仔仔由細到大已經係用果 D 好貴嘅護脊書包嫁啦！（依？咁係咪

即係無用呀？）

           既然現階段西醫都無乜野可以做，我唯有帶佢去睇脊醫試試啦！

       以下是我响網上面搵到嘅資料，希望可以幫到同樣無助嘅家長啦！

––––––––––––––––––––––––––––––––––

     脊醫是受過嚴格和有系統的現代醫學訓練,對人體的生理和結構；

     神經系統的功能都有深入的理解。脊科醫學使用獨特的檢查，觸診，

      X 光片，為病人作出全面和精確的診斷，脊醫能夠解除脊骨錯位和

     關節異常所帶來的疾病.

     研究報告刊出由手療矯正所引發惡性反應的機會率非常低，由專業脊

     醫進行的手療矯正術極之安全，而一般的副作用多屬生理機能的正常

     反應，有五成的病者會出現頭痛、疲倦、及被治療部份痛症稍為擴張

     等。研究指出，這些均屬能預期及並無危險的自然反應。

     根據美國洛杉磯脊椎神經學院所從事的一項研究，把 63位年齡介於

     8 歲至55 歲之間的腰部疼痛病患，分成四組，分別接受脊椎矯正、

     按摩、肌肉電刺激及護腰帶等四組治療方式，結果發現脊椎矯正對

     腰痛的治療效果最好，它的效果比護腰帶好一倍，比肌肉電刺激好

     兩倍，比輕度按摩好四倍。由此研究得知，脊椎神經復健科治療腰

     痛效果大於其他方法，當然更無如開刀所引起的危險性。

     參考資料 http://drericchu.tripod.com/index.html

 

–––––––––––––––––––––––––––––––––––

      『功能性脊柱側彎』(Functional Scoliosis)。主要是因為姿勢不良

        而導致的。

         正常的脊椎由正面或背面看都應是直立成直線的，如有向兩側（左或右

         ）成「C」型或「S」型彎曲，則稱之為『脊柱側彎』（Scoliosis）

     。脊柱側彎分二種:『原發性脊柱側彎』(Idiopathic Scoliosis) 和

       『功能性脊柱側彎』(Functional Scoliosis)。原發性脊柱側彎的起因

        是不清楚，但佔總患者80-90%。而功能性脊柱側彎的主因是姿勢不良

        而導致的。

         脊柱側彎除了體態外觀上的問題外，對健康都有影響，大部分的患者

         有長期腰酸背痛的症狀。另外脊椎關節在長期受力不均之下，形成退化

         性關節炎，如果側彎度數過大，甚至會影響心肺功能或對腹腔增壓，

         不利婦女懷胎時的支撐力。

          治療會因應不同程度的脊柱側彎而有所不同。一般而言，側彎角度少

          於二十度的屬輕度，二十度至四十五度之間的屬中度患者，四十五以

         上是重度患者。對於中，輕度患者，要接受姿勢矯正及運動治療，

         中度至重度患者，更可能要穿背架，至於重度患者可能需要用外科手

          術矯正。

         
以下網站是“適合脊柱側灣學同嘅腰背運動練習：”–


http://www.studenthealth.gov.hk/sc_chi/resources/resources_bl/files/ex_back.pdf




後補資料：

另外，東方日報 2012年9月1日 (六)

多做紓緩運動健康上學去

迎接開學，既要收拾心情，也要收拾裝備。值得一提，書包與皮鞋是孩子的

「貼身夥伴」，錯選款式與大小，隨時影響發育與健康！着緊孩子的家長們

，不妨聽聽專業人士意見，鼓勵孩子多做紓緩運動，自然可以健康上學去！

書包：過重易出事

據脊骨神經科醫生林育賢指出，書包質地以輕和薄為佳，但底部要有足夠承托力，背包式是首選，能平均左右承受的重量，相反，單孭式令雙肩承受的重量不均，學童要在姿勢上作出遷就，長期使用有可能造成「高低膊」，而且容易有肩頸勞損的情況。書包的肩帶宜寬闊，最好配有軟墊，長度要適中，不宜過長，盡量把書包保持於肩和腰的中間部位為標準，若附有胸帶和腰帶，更有助重量分散到腰部。此外，家長要留意孩子的書包是否過重，最好能把書包重量保持在個人體重的1/6或以下，舉例：體重55磅的學童，其書包最好在9磅以下。

皮鞋：大小要適中

慎選皮鞋，對孩子成長同樣重要，長期穿着不合適的鞋子，有可能導致盆骨、大小腿、腳趾等部位受損，更會令扁平足惡化。林醫生表示，除了以尺碼來選鞋，家長應觀察子女腳形有否偏闊、偏窄、彎曲等，並注意鞋頸是否太窄、鞋底軟硬度是否適中等細節。不少爸媽又會替孩子買大一個尺碼的皮鞋，希望多穿一季，這並非好主意，因鞋子過大會令足部有太多活動空間，承托力不足，對足部保護並不全面；而太小的鞋子則會影響血液循環、筋骨發育等，最合適的Size應是腳趾和鞋頭預留約1厘米距離。此外，沒有足弓位置的鞋子，欠缺彈性，防震力低，應避免選用。

書包肩帶應保持於肩和腰的中間部位。	買鞋時，可把前半部向內屈曲，柔軟而彎曲幅度小於90度為佳。	伸展腰部

動作示範

據物理治療師魏志榮表示，學童的腰部、盆骨和腳部尚在發育階段，長期提重物、受力不均、重心錯位均會影響成長，更會帶來痛症。他建議學童要注意孭書包和走路姿勢，不妨每天抽10分鐘做一些伸展運動，讓身體放鬆。

強化腰肌	伸展小腿	伸展大腿

伸展腰部

動作：靜止躺下，全身放鬆，右腳屈曲。然後，腰部用力向左拗，右腳膝蓋、頭部、肩膀貼地，維持動作10秒，做10次，再換左腳做10次。

強化腰肌

動作：膝蓋着地趴下，雙手伸直，手掌平放地下。然後把右手、左腳提起，分別向前、後伸展，腰部用力維持身體平衡，維持動作10秒，做10次，再換左手、右腳做10次。

伸展小腿

動作：前後腳企，腰挺直，雙手垂放。然後，雙手叉腰，把重心壓向前腳，直到後腳小腿有扯緊感覺，維持動作10秒，做5次，再換腳做5次。

伸展大腿

動作：雙膝跪下，腰挺直。之後坐上腳踝，直到大腿有扯緊感覺，維持動作15秒，做5次。

撰文：郭鎧琳

攝影：胡振文、盧展程

模特兒：楊美欣（Sens Communications）、黃加琳、肇晞

鳴謝：脊骨神經科醫生林育賢、物理治療師魏志榮

Life as we know it ( 湊仔戀咁嚟) - 電影

                      Life As we Know it「 湊仔戀咁嚟」尼套戲我一早就想睇，但結果都

係要等到 DVD 出咗先至睇到，而且的確係好睇又感人、對白譒繹好抵死，我

相信係要因應巿場吧！總之個人認為非常值得睇！

      相信這樣的故事情節只能出現在外國人的社會吧！以他們開放的性格，

的確較為容易接納兩個既不是夫婦亦不是情侶的異性共處一屋簷下，而且還要

兩個生活習慣差異的未婚男女去共同照顧一個 BB 便是難上加難，問題是香港

居住環境陝窄，活動空間有限；再加上兩個人又要返工又要應付 BB 生活上嘅

開支，仲要犧牲自己嘅休息時間及假期去照顧別人的 BB，你∕妳還會願意嗎？

相信大部份人都會 say no 囉！否則就唔會有咁多適婚男女唔願意結婚，又或

且夫婦們唔願意生 BB，因為生 BB 的確係要承擔好大嘅責任！

      故事係講述啡啡店老闆荷莉（Katherine heigl  飾演）與任職體育電視

台的廣播技術員艾力（Josh Duhamel 飾演），因在兩人的好友安排下，展開

了一次災難性的約會後，兩人便已認定對方是最不能接受的拍拖對象，但兩人

唯一的共通點就是他們都十分愛錫契女蘇菲。

      及後兩人的共同摯友突然離逝，他們無端端變成蘇菲的監護人…一個 BB

突然走進兩人的生活當中，不但阻礙了他們各自的人生計劃，最大鑊是兩人一

直勢成水火，但為了照顧蘇菲，卻要被逼「同居」……

       荷莉一直希望將自己的咖啡店升格為餐廳，最好還開設分店；而對艾力

嚟講，他的畢生目標便是能夠晉身國家體育電視台當個總監。而現在兩人不但

只要共同照顧一個 BB，還要應付 BB 的生活開支，這樣的他們會肯為別人的

BB 而犧牲自己的事業前途嗎？定還是最終他們會放棄撫養權呢？一個矛盾的

「同居」生活正展開……

       一套有趣的歡喜冤家愛情劇「 湊仔戀咁嚟」由電視劇「Brother &

Sister」導演 Greg Berlatini 執導，女主角 (嘉芙蓮希歌 Katherine heigl)

 層經參演過電影「單身大急救」、「殺手靚太唔易做」及「27宜嫁」，而男

主角（祖舒杜咸米爾 Josh Duhamel)，層經參演過電影「變形金剛」系列及

「羅馬假期」。

 Life As we Know it「 湊仔戀咁嚟」

鬥氣單身 忽然變雙親

命中注定多個B 倒瀉一屋愛戀嚟

預告片

http://hk.movies.yahoo.com/trailer.html?id=mcl_lifeasweknowit&videoid=662

以上資料取材自 Yahoo 電影及新聞網頁。

 

今日學整–白之戀人 （曲奇）

            尼 D 就係我今日學整嘅作品–白之戀人曲奇！個樣係咪好得呢？

但實制上，佢嘅味道只不過係普通過唔普通嘅牛油曲奇！跟本同白之戀人

嘅味道沾唔到邊！唉……我好 disappointed……雖然佢嘅味道係 ok，而

我亦都明解係無可能做到同白之戀人嘅味道完全相同，但諗唔到會差十萬

九千七哩囉！北海道嘅白 の戀人朱古力我好掛住你嘅味道呀………

        當然用料係最關健嘅原素啦，but anyway, 响尼道我都公開一吓個

用料份量同做法，等大家可以試試做，又或且容匯貫通一下！


白之戀人曲奇制作方法及用料：–

餅料         ：    1) 牛油        72g（我個人認為牛油應選用靚嘅日本牛油）
約 24塊           2) 糖霜       80g
                      3) 蛋白       50g
                      4) 低根麵粉 68g

白朱古力忌廉： 1) 無鹽牛油 40g（我個人認為做白朱古力忌廉嘅牛油，應

                                              該選用重牛奶味嘅日本牛油）

                     2) 糖霜       12g (糖霜最好減半至 6g，因為白朱古力本

                                              身已經偏甜，仲於咁多？甜死！）

                     3) 白朱古力 100g（白朱古力為主要味道，所以一定要簡

                                               香滑重奶味，如果唔係就好似我今日

                                               嘅作品咁失敗，完全比牛油味淹蓋晒）


做法：–

1) 牛油加入糖霜一起打至轉淡色，並變成為一嚿。

2) 蛋白慢慢分段加入攪拌至光滑及散開。

3) 將篩過之低根麵粉加入攪拌。 

 4) 先鋪上焗爐紙在模板之底，然後將攪拌好之麵糊刎在方形模板之上（可自

     選模板之形狀），並將多餘之麵糊刮走；之後小心拎起膠模，將有麵糊的

     焗爐紙一并準備放入預熱了焗爐。 

5) 記得先將焗爐預熱，之後再放入焗爐用 150℃∕160℃，焗約 10 分鐘至

    邊變金黃色，待冷備用。（然後重覆步驟至焗起所有餅料為止。）

6）做白朱古力忌廉：牛油加入糖霜打至淡色，再加入完全溶化了的白朱古力

                          攪均；然後再將白朱古力忌廉刎在鋪好焗爐紙的方形模

                          板之上，並將餘之忌廉刮走，放入雪櫃備用。（步驟跟

                          做餅料時一樣，重覆步驟至忌廉用完為止。）

7) 待餅完全冷卻後再將雪凍了的白朱古力忌廉餡放在兩餅中間，輕輕夾起便

    完成。

        落“拱”多牛油係咪想肥死？！係呀！哈哈…乜你依家先知整 cookie

要落“拱”多牛油同糖嫁咩！噢！Too late la~哈哈…

自制白朱古力–整朱古力上晒癮添！

             星期一仔仔收到 7 份朱古力，佢竟然全部食晒，一粒都無留比我…

啃！豈有此理ㄚ！往我自己辛辛苦苦整咗 D 朱古力出嚟，自己都係食得果

三粒，阿妹又話唔夠喉喎！嘿…由於太想食朱古力啦，因為果隻 Valrhona

牌子嘅法國朱古力實在太好食啦！（個味道有 D 似以前 Lindlt 金色盒嘅

薄片朱古力嫁。） 所以尋日本來係幫阿 Fi 去買整朱古力嘅用料，但竟然變

成我自己去入貨添…哎吔…

        既然 D 朱古力咁好味，老闆娘仲比咗另外一隻比利時嘅 58% 同

70% 嘅黑朱古力我試味添！雖然尼隻比利時黑朱古力無Valrhona咁香，

但係 $25蚊 可以買到 200g 58% 嘅黑朱古力又幾抵食喎。我仲買埋隻白

朱古力同白朱古力脆脆番嚟，諗住整比我個無良心嘅衰仔食。

       尋晚未整嘅時候，佢已經忍唔住偷食咗幾塊，仲話超好味添！本來勁

抗拒白朱古力嘅我（除咗白の戀人之外），一路整嘅時候就聞到好香、好吸

引 嘅味道，但因為印象中白朱古力係超甜，所以就唔感試；不過當我要放

脆脆果鎮，由於跌咗部份响枱面我又唔想浪費，咪食咗佢囉！嘩…原來 D

白朱古力脆脆係好好味嫁！後尾剩番果 D 白朱古力醬，我又試吓，依…

都好似唔錯喎…試一塊先…嘩！好香奶味、仲有 D 好立克味添……又真係

幾 ok 噃！

        今次買嘅份量足夠整比朋友、仔仔同妹妹分享，自己都可以食餐飽！

正！老公都話 D 提子朱古力同白朱古力好味添！唉…阿 Fi 學話齋，今次實

肥仔啦……整朱古力整到上咗癮添，點算？？


以下圖片，是簡易的白朱古力制作方法：–

1) 準備兩個唔同 size 嘅鐵碟，煲熱水，然後將熱水放落大 size 嘅碟；

    唔駛放咁多水嫁，之後放 10 幾片白朱古力在細碟上，再用鐵匙羹攪均。

 （其實基本上 D 朱古力遇熱就會溶化，用鐵匙羹攪均只係確保朱古力醬溶

    完全溶化，及方便倒模。）

   切忌直接煮朱古力，因為火喉控制得唔好會濃。

2）將適量朱古力醬放入模中，再放入你喜歡的材料，如：朱古力脆脆；榛子

    ；提子或杏仁…等。然後用匙羹輕輕濟壓一下饀料，之後再放朱古力醬就

    ok 嫁啦！另外有兩個小貼示提示大家。

 i) 榛子及杏仁這些 nuts, 要先放入焗爐或平底鑊，烘一烘；灘凍後先放入朱

    古力內層。

ii）老闆娘話「如果想 D 朱古力放上手無咁易溶，就要等 D 朱古力醬涼了先

    至好倒模。」（不過，如果好似我咁手腳慢，就唔好咁做，因為當我做到

    第六 隻 snoopy 果鎮 D 朱古力醬就傑晒……又要爂番熱佢添！）

P.S.: -

嘿…仔仔個女友都幾捨得喎…買龍島朱古力比仔仔！（咁又係嘅有 6 個情敵

噃，唔‘dum’本又點得呢！ ）