大家樂–和風紙上燒

               之前見到大家樂個廣告已經好想去試吓尼個–和風紙上燒嫁啦！

因為覺得好似好好玩咁！既然星期四晚仔仔唔返嚟食飯，咁咪老公去撐枱腳

囉！由於我唔食牛肉，所以簡咗尼個無咁多牛又好似飽肚 D 嘅豚 の選 $45，

佢嘅料有：–豚肉、牛金菇卷、日式蒸蛋、雞肉軟骨串、蟹柳、冬菇、野菜

及烏冬∕珍珠飯。醬汁有：柚子醬油汁或蒜香醬油汁。我簡咗烏冬，醬汁係

蒜香醬油汁（個醬汁配埋 D 肉好好味嫁）！

        至於另外嘅兩款紙上燒分別有：海 の選，佢嘅料有：–海蝦、魷魚、

牛金菇卷、日式蒸蛋、野菜及烏冬∕珍珠飯等。牛 の選，佢嘅料有：–牛蘆

筍卷及牛金菇卷、日式蒸蛋、野菜及烏冬∕珍珠飯等。

        雖然我個爐好似無人哋果 D咁猛火，要燒耐少少；但係我都燒得好開

心，而最正係滑滑嘅個日式蒸蛋，好味！其餘嘅豚肉同雞肉軟骨都好入味，

原來蟹柳同冬菇用嚟做紙上燒都唔錯嫁！

        老公話燒就燒啦，無啦啦隔張紙只不過係增加新鮮感之嘛！我話梗係

唔係啦，張紙嘅作用係用嚟吸油嘅；而且 D 食物隔住張紙燒會無咁易濃同無

咁熱氣，跟住老公話唓！一張咁嘅紙有咁勁？！唔係呀嘛！（無語中…）喂！

咁買張吸油紙返屋企燒咪得囉！（唉…反眼中）我話，唉…比你激死呀！尼

D 吸油紙同普通吸油紙係唔同嫁！佢問有咩唔同？我話尼 D 耐熱 D 嫁！

（佢用懷疑嘅眼神望住我…）我話之前我問過神一串嘅工作人員嫁！（佢仍

然懷疑中！）跟住倆個人就笑啦…

       anyway, 張紙係咪咁勁我就唔知，不過我就覺得真係無咁多油、又無

咁易黐底、仲有咁多煙同熱氣添！皆因燒完我個喉嚨都無確！總之 $45 有得

玩又好味 ok ㄚ！隔鄰枱個細路女都玩得好開心添！E！其實父母同仔女都可

以一齊試試享受煮野食固噃！哈哈… so funny！


P.S. ：–喂！我上網 check 過，我對張紙嘅認識係啱嘅！人哋張紙真係可

           以耐火、吸油、少煙同易控制火候嫁 lu lu さん！