聚會在 - 798 Unit & Co

             愈來愈覺得 798 Unit & co. 真係一個聚會嘅好地方，每次都可以

食到飽足兩餐，又可以傾到飽為止；仲唔須要再搵甜品店添，真係愈來愈愛

上尼個地方！

            尋日終於可以同一班舊朋友聚會了，幾經辛苦終於都可以嚟，真係好

開心！最可惜仲差 D 一個我哋就可以一家團聚了！R 睇嚟精神飽滿、M 變

得成熟了、H 做了爸爸都無乜點變；而 G 睇落氣息都唔錯，咁我就無咁擔心

佢嘅身體狀況啦！希望大家都身體健康、開開心心就好了！

        大家都在閒話家常，簡述了自家嘅近況！原來R 不經不覺已移民了兩

年，H 在 6 月又會再做爸爸，今次係仔仔，睇見佢有女萬事足個樣，就經已

好開心啦！而M 份工仍然都係咁忙，晚晚忙到要成十點幾十一點先至可以有

時間食飯，到食完飯都成身散晒 lu~所以邊有時間搵朋友呢！我最佩服係 G

，皆因佢身體咁弱；但係仍然都咁努力，又返工又要讀書、考試。其實無論

你嘅生命是長或短，事業有沒有成就；只要你努力生活，咁你就已經發亮發

熱過了！那又何須計較生命長短呢？

        年長了的大家，傾著唔同嘅政見、生活方向、舊日嘅人和事，不經不

覺就傾到以往嘅歲月，果段快樂嘅日子，真係勾起唔少開心嘅回憶！估唔到

已為人父的H 會諗過，若然財政司堅持將 $6,000 蚊放入強積金嘅戶口的話

，他便要上街！Haha……

       雖然R 不段嚷著這樣高膽固醇、那樣太 heavy，M 又唔喜歡食甜野、

G 又要戒口，我似乎又好似約錯地方了！不過，好在今次聚會大家嘅氣氛都

好愉快，而且每人都係 $128 +10% 大家都覺得 ok！唯一唔 ok 係返到屋

企先發現果兩張大合照竟然影得唔清楚喎！真係可惜ㄚ！希望下次R 返嚟可

以齊人（gathering）兼影相就好 la~


P.s. : -


我發覺原來798 Unit & co. 應該每個月會轉一次 brunch 嘅 menu嫁，因

為今次同上個月嘅 menu 又有 D D 唔同咗！另外佢哋嘅田螺酥（三角形果

件）同炸魚柳真係好好味嫁！個意大利雲吞都唔錯！咁當然個香蕉拖肥批仍

然都係咁正啦（白色果件）（尼個亦係我嘅必點推介）！By the way, 若果

你要食 tiramisu 就要响 12點至 1點果輪就要 order 定，因為尋日我 1 點幾

想 order 就無啦！有冇攪錯？！個 waitress 姐姐話皆因 tiramisu 係限量

固喎！嘿！


↓有蛋黃流出嚟嘅，正！↓

↓意大利雲吞↓

↓的的骰骰嘅香蕉班戥 & 唔會流心嘅心太軟↓

↓香蕉拖肥批 ，正！↓

798 Unit & Co.

尖沙咀，厚福街 31號，1/f

Tel.: 23660234