本來同阿 J 食完蛋糕放題想行去 Roll 買番 D 蛋卷比仔仔試吓嘅,
但係阿 J 話佢哋嘅蛋卷係略帶少少濕濕地,如果買返屋企食,驚會淋晒;
所以我哋就改為係美麗華商場逛逛,點知行行吓,見到尼間 THOMASHAAS
有仔仔好鍾意食嘅 macaron,於是我便決定買幾個返去比仔仔試吓先。坦白
講尼個咁 colourful 嘅小飾櫃絕對比佢哋嘅朱古力櫃搶眼得多,再且我又唔
識尼個朱古力牌子,所以不如先試試佢哋嘅餅味道如何吧!
面對五顏六色嘅法式小圓餅 macaron∕馬卡龍,我真係花多眼亂都唔知
簡咩味好,又怕佢哋會整得太甜;於是為了穩鎮起見,我只選擇買 6 個比
仔仔試咗先。佢哋散買 $13∕個,$75 蚊 6 個(冇盒);而禮盒裝 4 個買
$65蚊; 心型盒 5 個就買 $85 蚊。
最終我簡咗 兩個朱古力味、1個芒果味、1個檸檬味、1個黑加侖子味
及 1個 vanillie 味。
果然朱古力味係最好味嘅,唔太甜 ok ㄚ!檸檬味同黑加侖子味都唔錯
,好夠生果嘅香味;最差嘅係 vanillie 同芒果,因為味道怪怪地好似藥味。
若果有機會再經過都會試試佢哋嘅朱古力同部份味道嘅 macaron。
上完佢哋嘅網址先知 Mr. Thomas Haas 嘅來頭,原來佢 08、09年
都得過獎嘅,而佢哋嘅朱古力係北美嘅米芝蓮星級餐廳、著名四季酒店、
麗嘉酒店、時尚名牌 Gucci、Cartier…等活動嘅指定朱古力。
哦…原來佢哋咁勁嘅!Anyway, 都係等我下次試咗佢哋 D 朱古力先
至 comment 啦!
THOMAASHAAS
尖沙咀, 美麗華商場1001店
Tel.: 29920799
Fax : 30168648
沒有留言:
發佈留言