2010年8月29日星期日

Justin Bieber



              Justin Bieber–一個 16 歲嘅 teen age 卻成為了很受 teen age

嘅偶像!自從仔仔嘅好友係 face book 道 post 咗佢嘅 MV 之後,仔仔就

歡聽佢嘅歌!原來 teen age 都可以成為一個當紅嘅偶像!年紀輕輕嘅佢仲

準備係 10月推出自傳回憶錄添!「Justin Bieber:First Step 2 Forever:

My Story」勁尼!無他嘅,佢可以响短短的幾個月內為公司賺咗成 7 億美金,

果然係成績人!

         由於要幫仔仔 down 歌,咁自不然要睇埋佢嘅 MV 啦!(順便了解吓佢

哋嘅喜好ㄚ嗎!)我發覺,擁有 baby face嘅Justin Beiber,當紅嘅原因除

咗佢本身擁有一副好嗓子、唱得一首好歌之外,佢仲係好有才華(創作、樂器

等都難唔倒佢),當然再加上佢個殺食嘅 out look 啦!難怪這個 12 歲便踏

足樂邅嘅小天王會在歐美火速躥紅!雖然我覺得佢唱情歌嘅時候,感情仍然

稚嫩,但經已能夠引起後生仔嘅!或許,而家嘅 teen age 太早熟了,

所以更加需要有個同聲同氣嘅偶像去幫佢哋舒發一吓感情!難怪 High school

musical 會爆紅,皆因連小至 7、8 歲的小朋友也會唱得一、兩嘴!當中梗係

包括朋友們的囡囡和我仔仔!作為父母嘅我們當然非常高興,皆這些全是英

文歌,正所謂「潛言默化」!多聽有益!(自己當年都係深受爸爸嘅影響而愛

John Denver Carpenter 嘅歌。)

          想成為潮媽∕潮爸,就要多 D 了解一吓子女嘅喜好,咁你哋先至唔會

out 家嗎!我自己都幾鐘意聽首Never Let You GoSomeboby to Love

,另外佢純真嘅演奏版 Where Are You Now 唔知會唔會感動到你呢?!如

果你都鐘意聽 Usher ,咁或且你都會喜歡上佢嘅愛途 Justin Beiber

        以下是我在網上面 serach 到嘅一 D關於小天王Justin Beiber嘅資料!

        Justin Beiber原名Justin Drew Bieber,1994年 3月1日出生於

加拿大 (Canada,stratford),現居於美國喬治亞洲亞特蘭大,是位少年歌手,

他的音樂路線以 PopR&B 為主。當佢係12 歲嘅時候,就自學鋼琴、鼓、

結他和小號…等樂器;佢仲參加加拿大斯坦福的一場歌唱比賽,並奪得第二

名。於是佢就張自己嘅video post 咗上 Youtube,方便比 D 親戚朋友

欣賞!因此在 08年時Scooter Braun便發掘了他,並且引薦他給

Usher,之後 14歲的他便迅速簽下由 BraunUsher合資嘅 Raymond

Braun Media Group (RBMG)為他舖踏上樂壇的第一步。

             09年他的第一次全球性發行嘅單曲「The One」,立刻打入了top 30

並橫跨了 10 個國家。同年 11月17日,佢嘅「My World」更係美國創下

白金銷量,令佢成為咗最高銷售量嘅新人,同時佢亦係以新人歌手嘅身份在

第一隻發行大碟;便有 7隻歌打入美國Billborad 100首流行歌曲。佢係2010

年 3月23日發行嘅完整版錄音「My World 2.0」亦係非常成功,歌曲首次登

陸便高據幾個國家嘅榜首及 top ten 位置;在美國便被公認為最佳白金銷量

唱碟,持續銷量不少於 2個月。2010年 1月發表嘅“Baby”更是國際熱門

歌曲。

        今次佢準備係 10月推出嘅「回憶錄」,係希望歌迷可以分享佢响 4年

中成為巨星嘅過程,回憶錄中仲放咗好多 Justin鮮為人知的習慣;同從未曝

光嘅生活相,比佢一眾嘅 Fans可以見證尼位小巨星嘅成長路。此外 Justin

還說:「我的歌迷在書中佔據了很大部分,因為他們幫助我實現每日的夢想,

我希望歌迷可以分享我生活的點滴,從而了解我更多。」如此識做,身為佢

嘅歌迷,相信必定覺得 $170 蚊抵比嗱!

佢嘅歌唔知你鐘唔鐘意聽呢?請欣賞:–

Justin Bieber - Never Let You Go

http://www.youtube.com/watch?v=3ExWsVFJlFo&feature=fvsr

Justin Bieber - Never Say Never ft. Jaden Smith韋史密夫個仔)

http://www.youtube.com/watch?v=_Z5-P9v3F8w&feature=channel

Justin Bieber - Somebody To Love Remix ft. Usher

http://www.youtube.com/watch?v=SOI4OF7iIr4&feature=channel
 




Justin Bieber "Where are you now"

http://www.youtube.com/watch?v=i1zuN17t51A&feature=related

Justin Bieber - Baby ft. Ludacris

http://www.youtube.com/watch?v=kffacxfA7G4


Justin Bieber英國同節目主持人 Andrew 嘅訪問:–

http://www.youtube.com/watch?v=cwe6fm4Bgtw&feature=related

Chelsea Lately 訪問 Justin Bieber :–

http://www.youtube.com/watch?v=ko44vu7Zkbc&feature=fvst


Justin Bieber 嘅 Blog:–

http://www.justinbiebermusic.com/

Justin Bieber 嘅資料:–


2010年8月28日星期六

與小學同學重聚

哈哈…今次要多謝 Blog 友 Always,因為佢 post 咗慈雲山討論嘅

facebook address比我,至令我的起心肝嚐試搵番間小學嘅網頁;咁我先至

可以同失散多年嘅老同學聚會!Thanks a lot!

        今晚嘅 gathering真係好開心,老同學雖然多年無見,不過大家都仍然

可以暢所欲言;一 D都無生疏,尼種感覺真係好 warm,由其係生鬼嘅 K.L

佢真係一個開心果!

         人,通常會因成長的環境因數而有所改變,思想會變得復習、開始懂

得計算別人;對事會變得老練、麻木,純真的心也會隨著年長而失去,所以

能夠交到真心的朋友嘅機會也漸漸減少!

        可是今晚嘅聚會,係完完全全令我好 relax、好溫暖,就像我哋從來未

分開過一樣,這種感覺真係好!我哋一齊懷勉小時候慈雲山的美食、分享成長

的歲月,就好似時光倒流一樣!若然,能夠陸陸續續的同其他失散的老同學重

聚便更好了!很期待下次的 gathering!

        估唔到 facebook 嘅用處又增多一項了!Nice!


2010年8月27日星期五

菲律賓人開棺比記者影相!


              我真係唔想再見到或且聽到 D朋友講再菲律賓嘅人又點點點……

但奈何今日再响 facebook 見到嘅尼個片段時,真係令我不感相信…… D愚蠢

殯儀館職員竟然可以打開副棺材;任由 D 記者去影死者嘅屍體?!有無攪錯

ㄚ?!唉……見到佢哋咁對代 D 死者,我真係好憤怒!Why…? 

          唉……但願這些愚蠢嘅人最終可以親身感受失去親人後,又不被尊重

嘅滋味!我冇野講嗱!


2010年8月25日星期三

旅遊境點呀?笑?!

           

            唉……一個唔識得道歉嘅總統!遲來的下半旗……再加埋 D 無知嘅學生

、唔知做乜嘅警察……成為咗 facebook 眾矢之的!

       其實事已至此,我覺得除咗可以適當舒發一吓自己嘅感受、為受害傷者及

其家人送上祝福之外,相信香港人要等嘅都係菲律賓政府一個誠意嘅道歉!至於

待方面,相信大家都唔會 expect 聽得到 D 乜野順耳嘅答案!      

        我雖然都唔開心,但係我都覺得唔應該仇視菲律賓人;因為一單還一單,

係唔應該扯埋一齊講!

         但可是,當你見到以上嘅相片,你真係可以講 D 乜呢?!相信有腦嘅人

都唔會响剛剛發生完慘劇嘅地方笑住咁影相囉!唉…本來這幾天,我都唔想再多

講了!可惜,當今日响 facebook 見到尼兩張相,我就覺得佢哋真係好唔識得尊

重他人、好無恥!竟然可以大無施様响人哋嘅傷口上面灑鹽!仲有尼道並唔係旅

遊境點囉!

         我唔知當地係奉行乜野教育制道,返學教 D 乜!但是當有流血事件發生

,就算果個唔係你家人,相信任何人都唔會笑得出囉!有乜好笑呢??唔通死咗

人好好笑?!定係連警隊都覺得自己國家嘅特警好無能呢?所以想影番張相記低

呢個恥辱呢?!

        原來被一個無知嘅總統領導,就會教出一 D無知嘅人民!

        笑容並唔係任何時候都適用嫁!究竟你哋明唔明呢?!

2010年8月21日星期六

菓匠茶屋–綠茶忌廉軟雪糕

 

             星期三請完朋友 SW 食飯後,她便問我飽唔飽?由於,我掛住傾偈,

所以真係未飽嫁!於是,朋友 SW 非常客氣地要請我去食雪糕,仲以為佢想

去 Haagen-dazs 食添!點知原來佢想帶我去試食,佢近期嘅 favourite–

綠茶雪糕!吓?綠茶雪糕唔係隻隻都好味固喎!

         終於行到去 City' super 果間菓匠茶屋,見到一杯杯嘅 demo,望落

真係好似好好味咁喎!朋友 SW 還細心的問我:「可以揸住支雪糕筒嚟食嗎?」

ㄚ!而家好番好多了,所以可以揸到支雪糕嚟食 lu~ (Lucky!)朋友 SW

雪糕筒好食過杯裝,而除咗綠茶雪糕好味之外;忌廉味都唔錯嫁,於是我就要

咗個綠茶溝忌廉

        唔……第一啖咬落去就感覺到好幼滑ㄚ!好香!真係 so……good!還


差點忘了要影相添!嘩!$24 杯,好大杯ㄚ!朋友還說,若果要單一綠茶味雪

糕,會貴多$2 蚊嫁!我就認為綠茶味雪糕雖然唔會太苦澀、又夠茶味,但係

加埋忌廉雪糕就剛剛好 balance 番比此的味道,食落去仲唔會太甜添!

        佢哋嘅 selling point 係用日本北海道牛奶宇治綠茶粉嚟造原材

料!我覺得佢幼滑得嚟個質感又夠 rich,唔會太淡或且太傑,總之洽度好處!

佢仲唔似一般軟雪糕咁易溶化!

         佢真係好大杯呀!唔怪得知朋友淨係買比我啦,因為真係會食好飽,

不過又唔漏喎!果然係超正!


COVA - cake


               說話朋友 SW 請完我食美味嘅綠茶軟雪糕之後,還要記掛著我屋企果

仔仔,所以要買 COVA 嘅 cake請佢食!可惜我印像中嘅 COVA 又貴味道

又只係一般!(因為多年前,層到過尖沙咀 Ocean CentreCOVA 買過

cake 同朱古力嚟試。嘩!果次認真係 hard feeling!因為返到屋企先見到件

cake 與生果之間竟然有‘毛’菌!吓?有冇攪錯,個店員咁都見唔到!另外,

D 朱古力又乾又硬又唔好味,夠竟佢哋擺咗响道買咗幾耐呢?若果唔係要搭的

走返出去尖沙咀,我真係會去換兼夾投訴!喂!有冇攪錯咁貴買件 cake,

仲要唔好食,最衰果時又唔興寫 Blog!唉……)

          不過今次因為SW一番盛情,所以我就唔好意思推卻。於是,朋友就

咗張  9 折卡買咗兩件原價 $30∕件;折咗 $54 嘅 cake 比仔仔,一件係

peanut 唔知乜野,另一件係 mango mousse!

          返到屋企,仔仔果然好開心喎!佢仲急不及待要立刻食添!佢一口咬

落去,我就聽到卜卜脆嘅聲,跟住佢話好好味;我試咗一啖,的確幾脆!有

花生嘅香味又有朱古力味,但另外有一點唔知係酒味定係咩味呢?!我就唔係

咁鐘意囉!反而,上次响 Tony 間 cake shop 仲好味 D!

          而,另外件 mango mousse,仔仔食咗一啖就話極之難食,仲問我

係咩嚟嘅?!如果唔係我叫佢唔好浪費 SW姐姐一番心意,佢一定唔肯食啫!

之後,連仔仔都話鐘意食 Tony 間 cake shop 嘅蛋糕多 D !

         所以話呢–貴野未必係 = 好味嫁!千祈唔好比名牌效應影响自己嘅

選擇啦!因為 J 買過對 2 千幾蚊嘅 G字頭嘅名牌膠鞋,都會甩色嫁,佢仲要

係著咗一次定係未著過嘅添!So……

2010年8月20日星期五

甘味–讚岐手打烏冬

           
         星期三約咗個 friend 去沙田新城巿廣場食飯,由於之前去過甘味食烏

覺得味道唔錯,我個仔仲勁勁勁鐘意添!哈哈…不過今次佢無份!

        尼道最特別係有個 $10 幾蚊嘅單叫湯烏冬,你可以加各類食材,如:

$12∕1 隻天婦羅蝦、$10 天婦羅茄子∕南瓜∕蟹柳、$6 蜀米……等等!

不過分分鐘加吓一樣、加吓一樣,結果仲貴過一碗單一配料嘅烏冬好多嫁!

        由於自己想加嘅配料太多,計計吓要成$58 仲未計加一,所以覺得好

抵,而且反正上次試過了,所以今次叫咗個豬軟骨湯烏冬試試;雖然,佢無

“味精拉麵”過湯底咁香,但勝在無味精!佢哋嘅烏冬仍然都係咁彈牙,煙韌

又唔黐牙;豬軟骨嘅入味,肉質唔‘鞋’,好好味!不過 $45碗,就好似

細碗D!好彩,我叫咗個 $10∕2件 天婦羅茄子,但可惜;佢個脆漿雖然夠

薄,不茄子卻太淡了,都係天婦羅蝦同南瓜好味 D!我自己唔知佢係咪真係

讚岐手打烏冬,但仔仔試過就咁叫一個齋嘅湯烏冬,而食到舉晒手讚到極!

        朋友只係叫了一個蟹柳湯烏冬,我就覺得蟹柳嘅味太淡了,佢哋唔應該

為咗個買相;而將 D 蟹柳界開佢,因為咁會令到 D 蟹柳淹得太耐而淡晒!反

而,原條蟹柳會吸到 D 湯,令到佢食落會更加好味,又無咁快淋喎!

        今餐好抵!埋單都係 $99 蚊啫!

        尼道,除咗有湯烏冬食之外,仲有魚生、壽司、咖喱飯…等選擇,我見

到壽司都好似好正咁,下次試試先!(魚生及壽司嘅價錢唔貴嫁!)


溫馨提示:–

如果你遲過六點半到,那多數都要等位!我果晚 7 點到都只係等咗 10-15分鐘

啫!但星期六日就要等得耐多!還有,佢哋係無 Tea 食嫁!

甘味–讚岐手打烏冬

沙田新城巿廣場 1期 A192號鋪

Tel.: 26070668

2010年8月19日星期四

Vasco 皮鞋


            上次我咪讚過一對係旺角太子買咗皮鞋嘅!由於佢 D 皮夠軟熟,size

足,所以著起上嚟又舒服又耐穿!重要係,佢嘅膠底雖然有少少啜地(食地),

但係防滑,就算行街行得耐咗,隻腳都唔痛!(上次就係佢陪我行書展行咗 3個

幾鐘嫁啦!)

        據店員說,牠們全是用西班牙嘅真皮;並且由人手所製成的,所以當然係

一分錢一分貨啦!佢哋嘅價錢大約係由 $790 - $890 起,新貨有 10%

discount,其他涼30–40% off!貴係貴咗 D,不過物有所值嘅!

        哈哈……精明嘅我梗係等佢半價先買啦!($400幾蚊至喎!)不過,由

於係半價,所以有好多碼都係得番 5 號或且 9號!自己好好彩前年買咗對!因

佢實在太正啦!而家 D 圈好少咁足碼又好著!(甚至有 D 上千元嘅鞋都

唔係咁好著、又唔舒服添!)所以今次同仔仔出街,咪順便入去睇睇有冇正野

買囉!諗住就算無功而回,都可以影番一兩張相,介紹下比大家ㄚ嗎!Oh……

點知佢哋話唔可以影相!E!但係我頭先响出面影咗張相喎!(心裏想!)

        哈…今次,我有收獲噃,就係白色嘅夏天鞋!A…雖然我嘅條件限制,所

以只能著尼 D 款嘅鞋;但其實佢哋有好多款都好型、好潮嫁!不過,無得影相

介紹啫!

        無論妳想買嚟獎勵比自己,或是孝敬媽媽、奶奶,妳都要快手啦!因為

半價嘅款同 size 淨番唔多嗱!

       Hey, 仲有佢哋 D 真皮手袋都好正嫁,價錢約由 $1,000幾–$3,000。

 
 

VASCO   Hand bags & Shoes

171 Prince Edward Rd.W.,

BIJOU Court, G/f., Shop 4

太子道西 171號,別樹一居地下 4 號鋪
 
Tel.: 26260717





 

2010年8月18日星期三

太子燒–街頭小食串燒


            果日同仔仔响太子 shopping 完,正準備去金魚街攞番個甲蟲標本之際

,竟忽然聞到燒野食(BBQ)嘅香味……喂!鬧市耶…怎可能?!正想話仔仔

儍,但我們就發現香味的來源–太子燒;所以仔仔二話不說就 order 了豬頸肉

雞軟骨,我就唔係太肚,所以買咗串咖喱魚蛋

        倆人就响街頭食起來,仔仔立即大讚好好味、好正!我就問仔仔係咪餓得

制,所以先話正(之前佢試過啦)!但仔仔話唔係,真係好正,妳試吓啦!OK!

我咬咗啖……E…真係好入味、好香、好正喎!之後,我食完串好味嘅咖喱魚蛋

就咗一串雞軟骨,($10 兩串)唔…都好好味喎!跟住仔仔又 encore 咗一串

豬頸肉同章魚丸,我就買多串咖喱魚蛋同炸大腸;食到妹妹嚟到,佢都讚話正!

        老實講佢哋嘅章魚丸同炸大腸就麻麻地啦!下次要再嚟食過先得!

        A!隔離檔鮮椰汁都好好飲,又唔甜、又健康,正!

 
太子燒

太子水渠街 30 - 32 號,

(近金魚街∕通菜街口,垃圾站∕油站對面)




 

2010年8月17日星期二

榴槤雪糕

Yummy!

        一直以來我都好鐘意食榴槤榴槤甜品(pancake、雪糕、布甸呀…等等)

,但自從有一次我响百佳買咗 pack 榴槤嚟食;之後敏感,起到成面都係一嚿嚿

,嘩!又爂又紅晒一噠噠!果次之後我就怕怕囉!唔敢再食,停咗幾個月我又受

唔住媽媽嘅誘惑(佢靜雞雞買咗 1 pack比我)!不過果次我就唔感食咁多,送

咗兩件比人,自己最多都係兩嚿!

        唉…鬼咩!屋企果兩個男人又唔食、又無人同我 share,阿仔仲話我攪到

個雪櫃成‘淹’味喎!所以果次我咪食咗 5 嚿囉(正確係 4件半至啱)!咁真係

好好味ㄚ嗎!但因為食引起嘅禍,就永遠都記得;所謂『小吃多滋味,多吃壞肚

皮』,真係一句金石良言呀!

        經過今次,我開始轉戰榴槤嘅副產品–雪糕∕pancake…,因為佢含果

肉較少,咁我就可以滿足到食望之餘,又唔會進食過量嗱!

        我最鐘意係屋企附近果間甜品外買店,除此之外我會首選滿記榴槤

甸、班戟和新產品:雪山榴槤,佢係用咗椰汁底+兩粒西瓜+綠茶∕雲呢哪雪

糕再+榴槤果肉球,咁我就唔怕熱氣啦!一直以來,佢哋嘅榴槤甜品都好夠

味、又有果味,雖然布甸係差咗 D,但是味道還 ok 的!


         而許留山榴槤水晶撈,睇落好豐富,佢亦係用椰汁底 + 大粒西米 +

 水晶粒 + 苦味啫喱 +榴槤雪糕,椰汁底夠出色,大粒西米增加了口感,水晶

甜甜地幾得意,苦味啫喱麻麻,榴槤雪糕ok!不過,相較之下滿記雪山

榴槤就比較出色,果味濃郁又香!所以芒果才是許留山的出色傑作! 

             但為食又唔係成日出街嘅我,响屋企果鎮點算呢?哈…果日終於响

Circle K 被我搵到 Appolo 出嘅榴槤雪糕!佢話自己含有果肉,而且仲減價

幾蚊雞啫!於是乎,我就二話不說買回家享用了!不過,當我滿懷期望尋找那

果肉時,卻是…食到尾都搵唔倒咪碎!唔……有點失望!>ε< But, 好彩佢都

好夠榴槤味,好啦!算佢 pass 啦!如果加埋少少果肉咪 perfect 囉!

             鐘意榴槤雪糕嘅朋友可以一試嫁!
       
滿記雪山榴槤


P.S. : -
係咪覺得佢好吸引呢? 咁妳就錯晒嗱!我初初都以為 fresh 嘅士多啤梨加雪糕
會好正嫁!因為諗住 D雪糕嘅甜味可以宗和士多啤梨嘅酸味,但原來係嫁!
因為只會咬到粒又硬又無味嘅士多啤梨冰冰咋!仲要係特價先買$20 幾蚊兩
盒咋!好唔抵囉! 
 
 

2010年8月16日星期一

新時代、好時代,我的偶像時代


            哈哈哈…好開心!因為佢地成為咗滄海遺珠(新時代好時代雜誌…),

所以才能逃過被妹妹丟了的危機!O!我嘅珍藏竟然在老家!果日,當牠們再次

出現我眼前,我真係開心得很,因為搬家再搬家,所以最終只剩下這些,而

翁美玲果本因為太大太長了,所以只好無奈的丟了!

           那層經陪著我渡過年葱歲月的雜誌,也見証了我的偶像時代!那時候,

我因為好喜歡占士甸Japan中森明菜Akina)、近藤真彥安全地帶

Checkers……等等偶像,所以這是我唯一能夠知道偶像的消息的渠道,並

且可以得到他們的 poster、彩頁與及訪問的雜誌

            那個時代,想得到海外歌星嘅資訊好難,但係當紅嘅藝人就可以响金電視

大衆電視…等(哈哈,本來我都有珍藏嫁…),睇到佢哋嘅八掛資訊;但齋講

音樂、唱片資訊嘅雜誌就少之又少(黑膠碟),所以我當年要慳慳埋埋 D 早餐

錢,先至可以買,不過並唔係每一期都買嫁!除咗錢之外,仲要睇吓值唔值得

買!點解?因為貴ㄚ嗎!如果無乜我想要嘅 poster 咪好唔抵囉!有無買相?有

!不過好少,因為成 $1.5 ~ $2蚊 1張,但係雜誌都係 $7~$8 蚊本咋!

         由於,尼 D 屬於奢侈品,所以有時我會走去尊買 second hand 嘅雜誌

嘅地方摷,因為咁樣可以用平好多嘅價錢就買到(吓!雜誌至喎!係ㄚ!果時,

食個早餐都係蚊咋!食個 Mcdonald已經好奢侈!)以前,連畢打街

∕里,都有 D secong hand 嘅 Fashion magzine 買嫁!因為 Fashion

magzine 係印有好多fashion designer 係 next season 嘅作品,仲要係彩

色印刷添!閒閒地買十蚊至到過百嫁!(有 D 我仲留到而家!)

         第一次睇新時代好時代係因為有Japan 嘅消息同 David sylvian

訪問,跟住又有 poster 送喎!因為當時Japan已經解散咗,想得到佢哋嘅

消息好難;但係我仍然好待,所以難得有偶像嘅消息,咁我又點可以錯過呢

!及後又受到日本嘅偶像風所影響,於是就再追下去了!直至我成長,以及

牠們結業!而家諗返都超懷念!(實不相瞞ㄚ!我當年仲受到近藤真彥影響剷

咗個 Matchy cut,結果比阿爸鬧到飛起,要我剪晒佢添!)

            其實,當年最早嘅日本風可以追索返 TVB 過新年時播嘅日本紅白大賞

以前無綫有好多受歡迎嘅配音劇集都係來自日本同外國嫁!嘿!送返 D 日本

歌比大家聽!有好多仲係大家耳熟能詳嘅粵語改編歌嘅原裝正版添!

             講到偶像,當然唔少得香港樂壇嘅殿堂級樂隊 Beyond 啦!相信有好

多人都層經擁有過佢哋嘅黑膠碟∕CD 囉!家駒我為你致敬!

☆★還有這些相片都是我當年嘅珍藏!☆★

係道再送番 D 我層經好鐘意日文歌嘅 MV 比大家欣賞:–

中森明菜 Akina Nakamori - 禁區 (張國榮的改編歌:– 第一次)

http://www.youtube.com/watch?v=O0ABBSFt6mk

中森明菜 十戒 (1984)

http://www.youtube.com/watch?v=sp50TeiYjYk&feature=related

中森明菜 - Second Love       (李麗蕊 改編歌:–蛻變 )

http://www.youtube.com/watch?v=N07vFoWHBfU&feature=related

スローモーション 少女A 中森明菜

http://www.youtube.com/watch?v=X9XxuP-YWpI&feature=related

中森明菜 飾りじゃないのよ涙は (玉置浩二、井上陽水伴奏)

http://www.youtube.com/watch?v=YWaFpeO9on0&feature=related

中森明菜 飾りじゃないのよ涙は    裝飾的眼淚

http://www.youtube.com/watch?v=uTdPNHl89fg&feature=related

Akina Nakamori - 難破船

http://www.youtube.com/watch?v=aUUQq5tDSBA&feature=related

http://www.youtube.com/watch?v=vOCOhlWR1pk&feature=fvw

近藤真彥 Kondo Masahiko - Highteen Boogie ハイティーン・ブギ

http://www.youtube.com/watch?v=XxVcJtSJWiA&feature=related

近藤真彦  ブルージーンズメモリー

http://www.youtube.com/watch?v=zQb4Qji7AwM&NR=1

近藤真彦-夕焼けの歌            (梅艷芳–夕陽之歌)

http://www.youtube.com/watch?v=aaYYySp9l_8&feature=related

安全地帶 - ワインレッドの心   (譚詠麟–酒紅色的心)

http://www.youtube.com/watch?v=xYbG3F0KkKY

安全地帯 - 悲しみにさよなら   向悲哀說再見

http://www.youtube.com/watch?v=t3mSO91Ip84&feature=related

安全地帯 - 恋の予感   戀愛預感

http://www.youtube.com/watch?v=V0RG0I9COZc&feature=related

The Checkers - 涙のリクエスト

http://www.youtube.com/watch?v=2-FbNj_lSmU&feature=related

The Checkers - 星屑のステージ

http://www.youtube.com/watch?v=3E0uI2WZZTo&feature=related

THE CHECKERS ギザギザハートの子守唄

http://www.youtube.com/watch?v=UBM8A7vcvLI&feature=related

Checkers ジュリアに傷心 (Oh, My Julia)

http://www.youtube.com/watch?v=G0JUDm9E8Gk

小林明子  恋におちて Fall in Love

http://www.youtube.com/watch?v=PZWemyP60Lo&feature=related

春なのに" - 柏原芳惠 柏原よしえ

http://www.youtube.com/watch?v=oYbhdoRkidA&feature=related

最愛 - 柏原芳惠

http://www.youtube.com/watch?v=huUeZGuqV64&feature=related

中村雅俊 恋人も濡れる街角      (黃凱芹的改編歌:– )

http://www.youtube.com/watch?v=JgCW3YTwlwc&feature=related

俺たちの旅/中村雅俊

http://www.youtube.com/watch?v=syjLwXCSZE8&feature=related

翁倩玉 愛的迷戀、信