昨天到朋友家，看見她的囡囡很快便沖完涼出來，於是我便問：「E，
妳咁快沖完涼嘅？」點知朋友話囡囡因為想減低炭排放，所以便這樣做了！我
即時諗起一個剛 11歲 的小女孩也識得為尼個地球做 D 野；咁自己又做得夠唔
夠呢？
唔知大家有無將垃圾分類呢？有無做廢物回收呢？有無將唔用嘅電燈、
電器關掉呢？我自己會為仔仔將可以回收嘅鋁罐、紙張丟進垃圾筒；而哦佢，
因什麼會咁唔環保！但老公同仔仔會覺得點解為咗咁少事我又鬧佢，可是我卻
認為這是生活習慣，我只是想為了環保出一分力啫！雖然，憑我一個人嘅力量
唔可以為地球做到 D 乜，但若果每個人都係咁諗嘅話；或許，地球就好快變成
一個大垃圾筒！我相信無人願意住係個大垃圾筒入面囉！
無錯，一個人嘅力量係好有限嘅！但，若果每人都出一分力，那麼那力
量就大得驚人！或許，到我們死果一日地球都未層滅亡；可是人人都咁自私的
話，相信惡果必定自付！唔想下一代滅絕的話，請求求地球，一人出一分力吧！
自己好討厭公司的人唔肯關掉電腦、Mon(Monitor)、printer……等等
電器！果個 reason 係，因為其他同事唔知個 password！搵唔到個電掣開關！
影印機有 energy save……等等藉口，所以每當假日，或晚裏，個中央冷氣關
掉的時候，若有同事要回去做野的話；那種感覺就活像在密室空間工作一樣–
焗悶而又抖唔到氣。其實，自己試過反映好多次，但可惜，因為大部同事都是
兼職，人事去留又快，所以無人肯去想方法改善！我更因偷偷關掉電腦開關，
而暗暗給人咒罵！
唉……其實，大家明唔明關掉電器，除咗可以減低炭排放之外，還可以
令 office 焗悶嘅熱氣除溫；大家都舒服 D，仲可以慳番唔少電費！這樣雙贏嘅
局面，何樂而不為呢？！
而 Office 尼個 case，只係地球嘅縮影，若，你覺得其他國家、地方嘅
天災愈來愈多，但唔關你事，你只能深表同情嘅話！那就像鄰家火燭，但仍然
未燒到埋身，所以唔關你事一樣！我唔係聖人，我都有唔環保嘅時候（成日叫
外買），但我只係希望係我能力範圍之內，盡力做好環保嘅事，為地球出一分
力！
以下尼一則，係關于近年香港天氣轉變嘅新聞，希望大家都可以關注一
下，謝謝！
天文台長﹕一周兩黑雨不尋常
【明報專訊】不少港人趁暑假飛往外地旅遊，惟世界自然基金會分析 5855名
港人的碳足印，指每人每年平均碳排放量高達13.44噸，其中逾半來自航空
飛行，而二氧化碳正是令氣候變化的元兇之一。早前本港暴雨連連，天文台
台長指自有黑雨警報以來，首次一周內兩發黑雨，形容氣候變化令氣溫上升
及降雨量不穩定，到本世紀中，香港50年一遇的颱風將加密至每9年發生一
次，呼籲港人實踐低碳生活。
天文台長李本瀅博士指出，氣候變化令本港經常發出酷熱警告，又指
上月22日及28日均發出黑色暴雨警告，是首次一周內兩發警告。他表示，
香港海水水位過去50年上升約14厘米，而海水溫度亦上升0.5℃。
氣候倘續變 大颱風趨頻
李本瀅續稱，2008年造成大澳嚴重水浸的八號風球黑格比，以往是
50年才一遇的天災，至今個世紀中期將每9年發生一次，他警告如氣候持續
變化，世紀末時更會是每兩年一次，影響遍及沿海的珠江三角洲。他指出，
水位上升，潮漲時即使不刮風亦會水浸，呼籲港人現在便要改變生活模式，
實踐低碳生活。
調查﹕港人均碳排13.44噸
二氧化碳是導致全球暖化的主要溫室氣體。世界自然基金會香港分
會指分析所得個人每平均碳排放量達13.44噸，較政府公布的6.7噸多，
主要因為政府沒有計算航空飛行。世界自然基金會香港分會氣候項目主管
余遠騁博士表示，由香港來回倫敦的航班碳排放量達5噸。調查亦顯示年齡愈
大，碳排放量愈高，居於中西區、南區、灣仔等及從事市場推廣、廣告及
公共關係的人碳排放量亦較高。
世界自然基金會香港分會 200名「正能量大使」，參與計劃後個人
平均每年碳排放量由9.03噸減少超過兩噸。其中一名大使李燕霞表示會用
手洗衣服，洗衣水再用以清潔其他地方，又教家庭主婦可一邊煲湯、一邊
蒸餸菜；另一名任職市場推廣的大使蔡詩慧則每天會「順手」幫其他同事
關掉電腦屏幕，又指每星期有2至3次回家時，會由灣仔走路到跑馬地。
沒有留言:
發佈留言