A cup of Tea

             最近我除咗愛上咖啡之外，重慣咗飯後一杯茶，但並不是中國茶，而係

Twinings 嘅 Classics English Breakfast Tea。唉……我都知唔啱嫁啦！

日日 coffee & tea，仲比老公問我係咪上咗癮！Ok！我已經 cut 緊！知道知

道，要為自己健康著想ㄚ嗎！Un 嫁啦！（Understand！）

        But, anyway，我都想介紹尼隻牌子 AHMAD TEA，嘅大吉嶺茶包

Darjeeling Tea，佢出口自 London，茶葉產地係嚟自 Sri Lanka（斯里蘭

卡）。佢真係好香，開咗包裝之後，攪到成個食物櫃都有著濃濃嘅茶葉香味，

嘩！好正呀！不過，我突然醒覺到… E！咁 D 茶味咪走晒…果然，到第二次沖

泡嘅時候，的而且確 D 茶味係淡咗少少嫁吓！$12/10 包，真係抵飲！

        雖然Sri Lanka並唔係出產大吉嶺嘅主要產區，但我都好愛佢嘅茶葉香味

，佢沖出嚟嘅色澤較 Breakfast tea 淡好多，第一次飲嘅時候，仲以為佢靜係

得個香味添；點知一入口，佢少少嘅澀味真係有 D 似水仙，不過，佢嘅花香當

然係無咁濃啦！之後，佢嘅 after taste 就係你嘅喉嚨慢慢散發，口腔內有少

少回甘，真係誘惑非常！

         但切忌貪濃，而將佢淹泡過度，因為這樣茶味會變得澀味太濃而蓋過茶

嘅香味，影響口感！尼隻茶包衰在沖泡第二次飲嘅時候，會變得極之淡，同第

一次相差甚遠！

          而Twinings 嘅 Classics English Breakfast Tea，沖出嚟嘅色澤

較深，入口充滿了紅茶嘅香味，after taste 係甜甜地，第二次沖泡嘅時候，

茶味仍然 keep 得到 8 成！而淹泡過度，會變成咗普茸茶嘅效果。

          哈…唔知，AHMAD TEA，嘅罐裝 Darjeeling Tea，沖泡出嚟會

唔會加陪香濃呢？其實，上次心絲絲想學人沖泡一杯啱自己嘅茶嘅時候，我已

經買咗本書嚟學沖泡，甚至想溝茶葉同整紅茶 cookie 添！不過，除咗需要時

間去試之外，仲需要大量金錢，因為要買茶葉ㄚ嗎！睇怕都唔知等到幾時 lu~

          不過，可能整紅茶 cookie 會快 D！Hey，my friend 如果下次我成

功炮制到好味嘅紅茶 cookie，必定會與妳們分享的！

     

溫馨提示：–

雖然茶含有對人體有益嘅茶多酚，但係佢亦含有茶鹼（咖啡因)，吸收過多嘅

咖啡和茶，會干擾正常人體吸收鈣質。而心臟病人和孕婦，都不宜飲用咖啡和

茶，這類刺激性重嘅飲品。另外，紅茶亦係比較削胃，所以不宜飲用過多！