今年再次幫仔仔參加了聖公會所舉辦的簡單就是美的天文自然簡篇的
camp！由於上年仔仔嘅 experience 好好，所以佢主動要求我再幫佢報名。
因為上次係上山下海兼玩埋獨木舟嘅 3日2夜 camp，所以今次簡去西貢大網仔
青協營玩自製竹筏；及製作簡單嘅太陽黑子投影器。咁當然唔少得漫遊紅樹林
海岸、認識天文自然常識、觀星、夜行及烹飪啦！
雖然今次玩嘅日數係少 D，得 2日 1夜，仔仔有少少意遊未盡；不過，
佢最開心係可以同香港中文大學物理助教–陳俊霖先生，傾到 D關於天文嘅知
識，所以都得益不少。
返到屋企，佢經已急不及待同我分享；佢今次嘅經歷，例如話自己今次
又被選中做 leader；又認到 D 新朋友；識煮飯時要負責切雞及清理內藏（真係
個自我大挑戰呀吓！）；又發現了張簡單嘅煎蛋用具屈曲成為有焗爐效果的煮食
用具，令到蛋可以平均受熱和快 D 熟。（仲比人讚添！）尼 D 野外烹飪經驗，
真係幾好噃！（等 D 平時淨係識飯來張口嘅少爺少姐另一種段練！）
每次聽到仔仔嘅分享，都令到我開心埋一份！尼 D 知識真係課本都學
唔到！仔仔又期待下次嘅新體驗了！
自製嘅太陽黑子投影器
沒有留言:
發佈留言