成長於慈雲山的加得氏: 惠比壽居食屋

2010年8月3日星期二

惠比壽居食屋–長沙灣昇悅居商場

        上星期五到朋友家樓下的商場食飯，因為她的仔仔喜歡到這家店食壽司，

所以我們便到惠比壽居食屋食飯，朋友 K說這家店雖然並不是特別好食；但他

們的食物都幾 OK嫁，最重要係水準 keep 住都幾穏定，而且佢哋最出名嘅鮮

魚湯手打烏冬真係好好味嘅！

         我哋 order 了一客三文魚壽司$78、油甘魚壽司$78、彩虹壽司$58、

芝士炸蝦卷$78、雜菌炒烏冬$48 及鮮魚湯手打烏冬 $78；另外，因為 K之

信用咭有優惠，食滿 $300 送兩件花之戀，所以我們的枱面便非常豐富，三個

人仲食到勁飽添！埋單 $459.8 (+咗 10% )

        第一個到係雜菌炒烏冬，自己覺得佢比較細碟咗 D，味道又偏甜；可能

係耶菜同豉油嘅問題，朋友都覺得一般，好彩 D 烏冬夠彈牙咋。而壽司方面都

幾新鮮，由於我係極怕腥，所以三文魚已經係我極限，其他魚？大部份都 no

way！但看見油甘魚色澤鮮明；K 又食得咁開心，都應該係好味嘅！而佢哋 D

壽司飯，扎實得嚟又軟又煙韌都唔錯。

         雖然 D壽司要成$78 碟，貴就貴 D，但係都幾大件嫁，三文魚嘅厚度

都OK嫁！令到我同朋友都讚嘅係芝士炸蝦卷，芝士好香，夾埋炸蝦一齊食竟

然可以調和了的油膩；雖然係得 6 件，但蝦同壽司嘅份量都幾大嫁，正！

         不過，最令我想唔到係，個鮮魚湯手打烏冬真係好香；連我咁怕腥，

都覺得啖湯有 D 住家 feel，又有鮮魚肉、烏冬夠彈牙，的確係愛魚之人嘅首

選，我會比 80 分！

          唯獨個彩虹壽司我覺得認真麻麻地，雖然創意夠，有魚子及牛油果，

但係 D 魚生嘅配搭，就好似用咗 D 切頭切尾嘅魚生搭埋一齊咁，味道又麻麻

地喎！好在其他食物 OK，拉番高 D 分！

           這個晚上真滿足（無論胃口與心情）！