2010年8月6日星期五

潛行凶間 (Inception) – 電影


           「潛行凶間」尼套戲,我同仔仔一直都心絲絲想睇好耐!今晚我哋終於
 
實行啦!套戲都幾長,148 分鐘(差不多 2個半鐘)。不過,套戲好睇,
 
坐得耐 D 都值得嘅!而且劇情緊揍,特技效果精彩,配樂又出色;雖然劇
 
少少複雜,要你諗一諗但跟住你就會好清楚發生緊乜事,佢仲比我想像中易
 
明好多添!希望你都會入戲院睇啦!
 
         我自己都幾鐘意睇 D 懸疑片,今次個故事題材新鮮,雖然都有反駁點

但大致上都算唔錯,值得推介。好耐都無睇過 D 咁用腦嘅戲,而且,由於尊注,
 
你就會容易投入部戲。
 
(如果唔係格離個死八公成日講野,我會仲投入!佢仲低能到爆炸又講
 
「E!爆炸喎!」,真係唔「吱」佢都唔收聲,激死!)
 
         ㄚ!若果有一日故事成真都幾恐佈喎!連思想都可以入侵,咁仲有乜野
 
安全嘅呢?咁世界咪大亂囉!  
 
        為咗要睇尼套戲,我連電影簡介同影評都唔睇,費事知得太多估到劇情。
 
尼套被喻為史上最出色嘅故事(瘋 show快活人阿村長講),究竟係講 D乜呢?
 
       佢係講 (里安納度狄卡比奧飾演嘅) Dom Cobb是一名精於潛入目標人物
 
嘅睡夢狀態中;盜取機密資料嘅神偷,因為人於睡夢中嘅思維係最軟弱。但由
 
於,Dom有咁出色嘅技能,所以佢被聘請為商界間諜;亦係因為咁,令佢成為
 
國際犯,唔能夠返回自己嘅國家與家人團聚。
 
        此時,有位齊藤先生(渡邊謙飾演),聘請 Dom接受了一項新任務,只
 
要事成 Dom便能得到一個重生嘅機會,回到自己嘅國家與家人團聚。但是,他
 
任務卻要做到潛意識犯罪中最不可能的境界:潛植意念
 
        為咗得到重生,Dom決定接受挑戰,今次嘅任務並不一如以往,而是相
 
反的要潛入目標人物最深層次的潛意識中,植入一項意念。如果他們能夠成功,
 
這將會是史無前例的完美罪行。
 
        但是,即使他們如何精心策劃行動的每一步,在潛意式的空間之中,都
 
有牠的風險,究竟佢哋能否順利完成任務呢?在潛意空間中,又會咩事等住佢
 
哋呢?
 
潛行凶間 (INCEPTION)』是由『蝙蝠俠 - 黑夜之神』導演基斯杜化路蘭

及編劇的最新科幻動作電影。演員有:–三屆奧斯卡提名男星里安納度狄卡
 
比奧、「最後武士」渡邊謙、「義勇群英」祖瑟哥頓利維、金獎女星「大犯罪
 
家」瑪莉安歌迪娜、「Juno少女孕記」愛倫比芝及「蝙蝠俠 – 黑夜之神」
 
米高堅等主演。
電影預告片
 
 
P.S. : -
 
哈哈…我哋睇完戲仲去咗許留山食甜品添!芒之戀……係咪好正呢?
 
 
 
 

沒有留言: