榴槤雪糕

Yummy!

        一直以來我都好鐘意食榴槤及榴槤甜品（pancake、雪糕、布甸呀…等等)

，但自從有一次我响百佳買咗 pack 榴槤嚟食；之後敏感，起到成面都係一嚿嚿

，嘩！又爂又紅晒一噠噠！果次之後我就怕怕囉！唔敢再食，停咗幾個月我又受

唔住媽媽嘅誘惑（佢靜雞雞買咗 1 pack比我）！不過果次我就唔感食咁多，送

咗兩件比人，自己最多都係兩嚿！

        唉…鬼咩！屋企果兩個男人又唔食、又無人同我 share，阿仔仲話我攪到

個雪櫃成‘淹’味喎！所以果次我咪食咗 5 嚿囉（正確係 4件半至啱）！咁真係

好好味ㄚ嗎！但因為食引起嘅禍，就永遠都記得；所謂『小吃多滋味，多吃壞肚

皮』，真係一句金石良言呀！

        經過今次，我開始轉戰榴槤嘅副產品–雪糕∕pancake…，因為佢含果

肉較少，咁我就可以滿足到食望之餘，又唔會進食過量嗱！

        我最鐘意係屋企附近果間甜品外買店，除此之外我會首選滿記嘅榴槤布

甸、班戟和新產品：雪山榴槤，佢係用咗椰汁底+兩粒西瓜＋綠茶∕雲呢哪雪

糕再＋榴槤果肉球，咁我就唔怕熱氣啦！一直以來，佢哋嘅榴槤甜品都好夠榴

槤味、又有果味，雖然布甸係差咗 D，但是味道還 ok 的！


         而許留山嘅榴槤水晶撈，睇落好豐富，佢亦係用椰汁底 + 大粒西米 ＋

 水晶粒 ＋ 苦味啫喱 ＋榴槤雪糕，椰汁底夠出色，大粒西米增加了口感，水晶

甜甜地幾得意，苦味啫喱麻麻，榴槤雪糕都 ok！不過，相較之下滿記嘅雪山

榴槤就比較出色，果味濃郁又香！所以芒果才是許留山的出色傑作！ 

             但為食又唔係成日出街嘅我，响屋企果鎮點算呢？哈…果日終於响

Circle K 被我搵到 Appolo 出嘅榴槤雪糕！佢話自己含有果肉，而且仲減價

幾蚊雞啫！於是乎，我就二話不說買回家享用了！不過，當我滿懷期望尋找那

果肉時，卻是…食到尾都搵唔倒咪碎！唔……有點失望！＞ε＜ But, 好彩佢都

好夠榴槤味，好啦！算佢 pass 啦！如果加埋少少果肉咪 perfect 囉！

             鐘意榴槤雪糕嘅朋友可以一試嫁！
       
↓滿記嘅雪山榴槤↓


P.S. : -
係咪覺得佢好吸引呢？ 咁妳就錯晒嗱！我初初都以為 fresh 嘅士多啤梨加雪糕
會好正嫁！因為諗住 D雪糕嘅甜味可以宗和士多啤梨嘅酸味，但原來係錯嫁！
因為妳只會咬到粒又硬又無味嘅士多啤梨冰冰咋！仲要係特價先買$20 幾蚊兩
盒咋！好唔抵囉！