星期三晚响佐敦 濱松町食完飯，大家相量去邊道食甜品同食乜野甜
品，本來衰仔 T 話想食西式甜品（因為佢想食雪糕）；但係結果風月堂原來
係收 10：30p.m.，如果落旺角果間又唔知架車可以泊去邊，所以最終佢唯
有屈服同我哋入去將軍澳試試聰嫂私房甜品。
講真我同阿 J 聽就聽過聰嫂尼間甜品店好耐，但係就因為路途遙遠，
所以就未試過，而阿 Fi 更加唔駛問啦，咁遠點揪埋阿囡去至得架！而阿 T同
阿 A 一早就話入嚟尼道一定要食龍眼椰果冰喎，仲話咁晏唔知仲有冇得食
添！（因為尼個甜品好搶手！）嘿！响架車我哋先諗起阿 T先前嘍住要去食
西式甜品＋雪糕，早知就去同佢去九龍城 小店啦！
我哋長途拔踄入到去將軍澳先見到原來門口已經排滿人，要等位！吓
？Week day 喎！乜家吓 D 人咁興夜晚食糖水嘅咩？！而且將軍澳已經有
成兩間聰嫂固 lu 喎！（我哋係去咗停車場果個商場一行出嚟角落頭果間）。
排緊隊果鎮我哋就爭取時間睇吓鎮間要 order D 乜野，因為阿 J 聽朝
要一早起身，所以我哋要趕住走。不過當我同阿 J 睇到個西式咖啡甜品好似
好吸引果鎮，阿 T竟然話尼道 D 咖啡乜乜甜品係好難食嫁；但係個龍眼椰果
冰同 D 薑汁乜乜甜品就好好味，而阿 J 係唔鍾意龍眼味同唔食薑汁味嘅，於
是我哋就深受打激啦！（早知去小店啦！）原本諗住尼間會好似家鎮 D港式
甜品店咁撈咗好多西式口味嘅甜品可以選擇（因為佢哋有咖啡布甸），點知
坐底睇吓個 menu 我同阿 J 就更加失望，咁唯有就 order 兩個布甸（榴蓮、
芒果）同一個雜果西米露 share 嚟食；阿 Fi 就要咗個芒果涼粉，而 阿 T
同 阿 A 就當然係食佢哋話好正嘅龍眼椰果冰啦！
個龍眼椰果冰嚟到果鎮阿 A 就比咗少少我同阿 Fi 試，阿 Fi 就話
個味道 ok；不過我覺得 D龍眼味雖然好香，但係整體嚟講就無乜特別囉！
而我、阿 A 同 阿 J 都覺得個榴蓮布甸超香、好味！至於阿 Fi 個芒果涼粉
、芒果布甸同雜果西米露都係屬於穩穩鎮鎮嘅甜品，味道都算幾好；D 細
細粒粒嘅西米做得好爽脆，十足十爆珠咁，而佢哋嘅芒果選料又夠甜。
响甜品店之中，聰嫂都算幾 ok，不過若要吸引好似我同阿 J 尼 D
嘴刁嘅人肯山長水遠入去將軍澳道食；佢真係要加把勁做 D 有自己特色得
嚟又吸引人嘅甜品，又或且加多 D 簡單又好味嘅甜品，例如：綠茶布甸
配紅豆、木糠布甸、朱古力 mousse、茶味蒟蒻、芝麻糕、馬豆糕……等
等，咁先至可以稱得上為“私房甜品”。
今餐要多謝 阿 A 請客
，更加多謝同我鬥嘴、想睇吓我個胃容量兼表演一路食野一路講野嘅衰仔 T做咗一晚司機，逐個車我哋返屋企！
聰嫂私房甜品
將軍澳,厚德邨商場, 西翼G3-G4舖（停車場地面）
Tel.no.: 22782276
