上星期三，一連試均三間食市，的而且確令我的胃冠上了「深不見底」
的稱號，無他嘅；我一貫炳承了想食想試就做盡佢，皆因我又唔係成日出街，
咁既然出到去，咪一條氣做盡我想做嘅事囉！
查實，我以往一向鍾愛上海館的生煎牛肉飽、菜肉飽及葱油餅等美食。
在我搜尋美食的字典裏，最鍾情的上海小食莫過當年在深水埗 北河街那一間及
慈雲山的一檔小販了！那時候新鮮熱辣又香口的生煎牛肉飽，絕對令人唾延欲
滴！那種一啖咬落去，香香的肉汁一湧而出；真的令你難以抗拒，無論你點怕
那些肉汁四濺，你都會忍不住、甘心一再去嚐嚐牠的味道；連外皮較的菜肉飽
，他們都能夠做到肉香撲鼻、汁香四濺！還有那葱油餅的葱與麵粉嘅黃金比例
，真的要非常感謝那個年代的上海師傅，謝謝你們層經帶給我那些美好的美
食回憶，令我感受過何謂美味的的生煎飽！相信那時的生煎牛肉飽，絕對比現
在九龍城那間有過之而無不及！
Ok！我講得太遙遠了！講回上海生煎皇吧！不知是否食飲男女的吹奉
，還是朋友 W 講得啱，生煎飽應該要襯熱即場食吧！定係我對佢嘅味道要求
太嚴苛呢？
總之，回到家番蒸之後，肉汁依然夠、外皮嘅麵粉係都搓得唔錯；但係
總覺爭咗 D 咁，究竟係仔仔所講欠缺了外皮嘅香脆口感？還是係佢外皮有太多
芝麻呢？（要強調，我本身很愛食腸粉加芝麻同芝麻糊嫁！）定或是佢哋方得
太多葱，經過外賣盒焗完之後，就蓋過了生煎飽的味道呢？
其實佢哋嘅生煎飽嘅味道係 Ok嘅！可以一試嘅！值得一讚嘅係師傅勇
於學藝嘅心，所以下次有機會，我會再即場試食生煎飽同試試佢哋其他嘅食物。
6 個生煎飽買$30 蚊。（還要再次多朋友 W 請我食生煎飽，
Thankyou!）
上海生煎皇
太子，西洋菜街南 178-182 號地下
Tel.: 23232374
沒有留言:
發佈留言