聚會在–小肥羊

             星期三晚，我又大開食界，果晚由小肥羊的聚會揭開序幕；跟住再到

石磨坊，再加一個外買生煎包做宵夜，食到我差 D以為自己真係有兩個胃！

        我哋果晚係去旺角 亞皆老街分店食飯，話時話小肥羊我聽就聽好多次，

但今次我係第一次去。嘩！我一入到去樓下，果鎮濃烈嘅羶味加埋果 D 獨特

嘅香料味；已經隔住條樓梯湧埋嚟，唔怪得知 D 人成日都話「唔食羊肉都一

身羶」！皆因我果晚返到屋企，D 衫經已染得一浸“羶除”，久久不散（E！

“浸味”仲有 D 似小孤仙添）！所以話尼有 D 野係唔可以偷食嫁！（打邊爐

、燒烤、榴槤……）（羊肉都唔係個個啱食嫁！不過，好彩我坐咗一鎮就適

應到“浸味”啫！）

        一坐低朋友們就話尼道都有任食火鍋，$158 +$10 茶/位（17:00-

21:00） 任食 2 個鐘，如果想升級任點任食海鮮、肥牛及羊肉卷就要加 $38

/位；又或者碟碟計 $22，飲品另計。普通版嘅食物方面，有 48種任君選擇，

不過，唔知係唔係我哋簡咗最旺嘅時間去，定係我哋個樣“作住浪費”响個

頭道呢？總之，我哋 order 親嘅佢都係咁依比兩、三件打發我哋，比得最多

嘅都係生根同豆腐囉！喂！我哋有成 7 個人噃！兩隻醉雞翼點夠分呢？一唔

係就漏 order， 所以我哋唯有每次都寫多幾件啦！至於 serivce 方面係吋囉

！朋友話尖沙咀同荃灣店好得多。

        而小肥羊嘅特點係豉油要收錢 $6∕碟，雞蛋 $6 隻（E！加埋一，咪

成$6.6一隻囉！）不過，如果你點鵪鶉蛋就唔駛收錢！（哈…我第一次用鵪

鶉蛋嚟‘yim’食物，又幾好喎！又唔會滑潺潺或太重蛋味！）朋友話因為

佢哋尼道標榜個湯底已經好夠味，而朋友們試過都話個湯底用嚟‘淥’完肉

類已經好入味；真係唔駛加豉油，我試過之後又的而且確係夠晒味喎！仲有

，如果用麻辣湯底用嚟‘淥’羔羊卷肉，簡直係超正添！哈…因為我哋係用

鴛鴦湯底（麻辣配清湯鍋），所以有兩邊都可以用。另外，任食火鍋每位會

送 3 兩內蒙羔羊肉嫁！

         至於食物方面，我推介：羔羊卷肉、肥羊粉、雲吞、墨魚滑、豬大

腸、魚皮餃及內蒙羊肉粒。肥羊粉係白白地色、滑滑地好煙韌彈牙，索埋
 
D 湯底真係好好味；至於羊肉方面，可能有麻辣湯底辟咗浸羶味，所以好

正！其實，D 菇片、生根、豬皮、扎肉、雲吞及豬大腸因為索晒 D 清湯底

，所以都好好味嫁。
  
        朋友 K 就非常愛內蒙肥牛、羔羊卷肉、豬手及牛肋粒…等！因為佢

哋係醃好及煮熟咗嘅，所以‘淥’完就更加淋身及更加入味。

            埋單每位 $202（$10茶位 + 2 渣飲品）差唔多啦！今餐我哋食得

好飽又開心！

小肥羊

旺角，亞皆老街 16 號，

1 至 4 樓

Tel.: 23968816