我最近發現咗隻超正嘅士多啤梨朱古力–Lotte - Charlotte，佢薄薄
嘅濃朱古力味外層；裏面包住 D流質嘅士多啤梨醬，真係好好味。貴就貴 D
$13.8∕盒（得4條！），不過，最重要係佢真係有液體嘅士多啤梨醬流出嚟，
唔似得巿面上果 D 淨係得幅圖吸引；而裏面嘅根本就係固體嘅醬，簡直就係比
佢呃咗！所以今次能夠重遇尼種感覺真係好正！仲記得當年第一次食到有液體
嘅士多啤梨醬嘅朱古力，就係一個好好嘅姐姐買比我食嘅“ Lindt”，以當年
雄霸市場嘅“吉百利”嚟講，“ Lindt”真係貴好多同正好多，而且並唔係人
人都買得起；或捨得買，那時以重牛奶味嘅朱古力最普遍，但“ Lindt”卻引
進以濃朱古力味嘅朱古力取勝！食朱古力再唔係一味靠牛奶嘅滑，仲要講求有
朱古力嘅濃香！
呀！突然好懷念小時候過年時收到賀年禮品嘅興奮添！因為每縫過年我
同弟弟都可以簡選兩、三盒賀年禮品嚟食，亦即係全年裏面，我哋可以食得最
多朱古力嘅日子；所以從厚厚嘅花紙當中，要選中我們心目中嘅朱古力首選：
“花街朱古力”、“金鷹朱古力”、“麥提沙朱古力”及“金杯朱古力”
…等我哋嘅至愛， D 咁重要嘅任務梗係由聰明嘅我做啦！因為我縫選必中囉！
哈哈…
A！Lotte 嘅Charlotte 除咗有士多啤梨朱古力好好味之外，仲有隻
特濃朱古力條（中間藍色盒果隻）都好好味嫁！佢一樣係買 $13.8∕盒（4
條）！
而我食開果隻 MORI（森永） –French Milk 牛奶朱古力片就轉咗包裝
（第一盒）同加咗價，買到 $28.8/盒（21 片）。而味道仍然都係滑，不過朱
古力味就略為淡咗少少。
☆★以上三種朱古力均在“食神伝說”購買☆★
另外，我最近食過一隻唔太甜又好味嘅朱古力蛋糕，就係來自法國嘅牌
子“ St Michel”（亦即係同上次我介紹過嘅香脆餅乾嘅同一個牌子）。$32
包（得 8 件），不過真係好好味、好軟熟。
而來自美國嘅特濃朱古力卷（Dark Chocolate）係牌子“Piroulin”
嘅出品，甜就甜咗 D；不過朱古力都幾香，但亦都係幾貴 $23罐（得果 10條
8條）。值唔值試，就個人取向嗱！（不過，切勿試佢嘅 Vanille 口味，因為
上次我同阿仔就貪平，行過“Circle K”見到做 promotion；買$16蚊盒，咪
買番盒嚟食囉！哈！點知返到屋企先至知，唔係我哋食開嘅Dark Chocolate
口味，而係 Vanille 口味；點知食完第一啖，我哋就覺得勁甜勁難食！真係唔
明，點解同一間廠出嘅味道落差會咁大嘅呢？！ ）
至於尼隻“FUJI”牌子，我之前都介紹過佢哋唔同口味嘅朱古力嫁啦！
佢哋大至上都幾好味嘅，除咗有一、兩種口味較為甜 D 之外。今次佢哋終於出
到溶漿朱古力蛋糕口味啦，雖然粒朱古力並無溶漿較果；不過佢濃濃嘅朱古力
味的確幾吸引嘅，再加埋佢個脆脆的朱古力心，食落有 D 似麥提沙嘅口感，幾
好ㄚ！要試就快 D 買啦！皆因佢哋次次出親嘅口味都係限量，買晒就無嫁啦！
仔仔話尼隻“Kabaya”朱古力曲奇好好味喎！不過，我就覺得一般啦！
朱古力味都可以嘅，但唔係太濃囉！而且算貴囉！$20 幾蚊得10包、8包，但
勝在方便携帶囉！如果論到好味又抵食，不如食“麥為他”嘅朱古力口味仲抵！
↓哈！以前“Meiji”D almond 朱古力豆係好脆、又夠朱古力味，而家都好脆
不過，總係覺得佢無以前咁好味囉！↓
沒有留言:
發佈留言