石磨坊

            果晚在小肥羊食飽飽之後，我哋仲意由未盡走咗去太子 石磨坊食糖水

，唔知 D 朋友係咪知道我另一個胃仲未得到滿足呢？

        行到之後，我先發現原來睇飲食男女介紹過果間上海生煎皇係開係尼

條街；於是為食嘅我就襯等緊位食糖水嘅時候，走咗去買外買急於會一會佢

。（多謝阿 W 買比我嘅生煎飽！不過最終因為石磨坊唔可以响入面食其他

外帶食物，所以無緣同她們分享了！）

         朋友 W 推介這裏的糊，因為是自家生磨的，所以很香；而朋友 K

就推介這裏的腰果糊，因為牠比我喜歡的合桃糊更香更好味，於是我哋就

order 咗 5 個甜品：芒果西米露、、椰香芋泥涼粉、合桃糊及腰果糊

share嚟食！
         其實，我個人就偏愛椰香芋泥涼粉及腰果糊，但因為芋泥雖然有好

香嘅芋頭味；亦都好接近潮洲芋泥嘅質感，不過還不夠幼滑及太 rich，以我

大胃王嚟講都唔以單獨食晒一整個，雖然佢好好味！可是食多了就會太漏！

朋友 B 話，佢平時食完尼個甜品就可以當成晚餐啦！的而且確會很飽囉！

        而腰果糊真是入口甘香，相比起合桃糊，牠真的更勝一籌兼且多了一

股腰果香味的誘惑，又唔會太甜，的確值得一讚！其他嘅芒果甜品味道都唔

錯。

        除咗腰果糊之外，朋友 K 嘅又一推介就係芒果腸粉，因為佢哋用甜品

做到嘅腸粉嫩滑質感，連朋友 Y 都讚好。埋單一人都係 around $40 蚊。

        今晚除咗大大滿足了我的食慾之外，仲比朋友們認識到我嘅胃最大嘅

容量，難怪朋友 K 都話要將「深不見底」尼句說話退讓給我的胃了！哈哈哈

…

石磨坊

太子，西洋菜街南 208 號地下

Tel.: 23989433