今個新年，我唯一睇過嘅賀歲片就係這套關於屋村故事的「我愛香港
開心萬歲 I Love Hong Kong」！如好友 Y & G 所講，這套戲都真係幾
好睇、又適合一家大細睇！我自己就睇到好有共鳴啦，由其係小販走鬼同家家
戶戶慶中秋果兩段戲，真係勾起我好多回憶；即時諗返起以前親身經歷過最
激烈嘅慈雲山拉小販嘅日子，講真果時 D小販管理隊邊道有咁好人ㄚ，隻眼開
隻眼閉！佢哋肯間唔使放走 D 公公、婆婆都真係好奇聞啦！我眼見佢哋幾面
包抄、突變長跑好手、拉到個小販跌低咗都仲要拉、又同街坊、小販嘈架，
甚至大打出手尼 D 情況就見過！講真果時真係好同情 D小販嫁，因為除咗罰款
之外，貨物同手推車等都要充共嫁（真係乜都無晒嫁）！不過有時 D小販又真
係擺得太出，左住晒 D 行人通道、甚至攪到周圍都係漬水，尼 D 亦係大有人
在嘅！記得有次我聽到個街坊好似李治廷咁英鬧 D 小販管理隊成日拉人，叫
佢放過 D 小販啦！當時個小販管理隊隊員就話「咁你哋 D 人食到肚痛、見到
左街果時唔好投訴囉！咁我哋咪唔拉人囉！」E…咁又好似有 D 道理喎！其實
果時 D小販管理隊成日要帶埋阿媽同祖宗返工嫁，皆因佢哋每次都比人嘴咒
嘅！唉…總之果鎮就係搵食艱難、世界難撈啦！
至於過中秋時，响走廊點蠟蠋、煲蠟，家家戶戶大開中門、熱熱鬧鬧
嘅日子真係好令人懷念呀！（38 座我想念你！）
尼套劇除咗有令人懷勉過去嘅日子之外、仲有好多笑位，吳君如我真
係服咗妳呀！尼 D 角色真係全靠妳先至咁好笑咋！一句講晒女演員之中最勁
係妳囉！仲有好耐無見嘅梁家輝同馮悴帆–阿緊，我真係好鬼鍾意你上次做
每當變幻時做楊千樺果個雞蟲老竇嫁，真係正呀！若果你能夠再拍多 D 片就
好囉！阿緊，我支持你！
今次套劇最正嘅位係要潤領滙（領悟）雄霸屋村商場、趕盡 D小商戶
，簡直係到晒位！（所以以後街巿、屋村商場都將會無乜平野買，個個商場
D店舖都就嚟係一式一樣！再咁落去，睇怕第時落街都要 set 行個粧，因為
分分鐘會得番 D 名店响道嫁啦！）
仲有如果政府可以十卜一下 D 好有本地特色嘅平民大笪地就好囉！唉
…不過 D 高官都未捱過窮、又未住過屋村，佢哋知鬼咩野叫平民特色同人情
味咩！叫佢哋飲吓紅酒我諗就差唔多！
總知，想要有歡樂嘅氣氛、笑得開懷，就要去睇「我愛香港開心萬歲
I Love Hong Kong」！支持吓本港片，因為佢真係好睇得嚟又有意思嫁！
因為我覺今次尼套「I Love Hong Kong」仲正過上年嘅「72 家房客」好多！
我愛香港開心萬歲 – I Love Hong Kong
導演：鐘澍佳、曾志偉
演員：梁家輝、吳君如、曾志偉、馮悴帆、袁詠儀、午馬、李治廷、黃宗澤
、王祖藍、林欣彤、陳法拉、徐子珊、鄭欣宜、阮兆祥、盧覓雪、
陸永、林雪……
片長：103 分鐘
我愛香港預告片
沒有留言:
發佈留言