OutBack Steak House

            星期日去咗尖沙咀中心間 OutBack Steak House 慶祝好友 G 嘅

生日，今次食嘅生日飯有 D 失敗，因為我竟然忘了介咗食牛肉嘅朋友已增至 4

人（包括我自己），仲諗住今次可以為好友們準備一頓豐盛嘅扒餐添！最衰

 Dan Ryan Chicago gill 又 book 唔到位啦！（哈…D 食市真係勁旺場呀！

鼎泰豐直情唔聽電話添！）不過，好在今餐大家都食得幾愉快啫。

        我哋 order 了一個茄汁海鮮意粉、蘑菇白汁扁意粉、烤雞并燒排骨（佢

哋仲有兩個配菜可供客人選擇嘅，至於配菜有：特色雞肉飯、菜絲沙律、薯條、

薯蓉及甜蕃薯…等。）、燒雞凱撒沙律、羊架、凱撒沙律、安格斯牛扒同 Fish

N' chip。由於佢哋嘅主菜會附送一個黑糖麪包的，結果果晚我哋總共食咗 3個

黑糖麪包。

        原來全晚最好味嘅係黑糖麪包，佢表面甜甜地（因有少少糖）；但裏面

就係鹹鹹地嘅，配埋淡芝士食味道很特別，不過就一定要襯熱食先至好味！另

外茄汁海鮮意粉都幾好味，無諗過茄汁意粉會吸引到我食，反而我同仔仔都認

為蘑菇白汁扁意粉味道一般；而烤雞 D 肉就很嚡！不過個 rib 就很入味，配菜

嘅薯條、薯蓉同菜絲沙律都好好味！

       個 Caesar 沙律都好新鮮（竟然可以吸引到唔喜歡食生菜嘅仔仔都食），

 

不過朋友WH 就嫌 D 麫包粒好鹹，而燒雞塊嘅味道就非常唔啱我；因香料 D

 

味道太怪異了、肉質又嚡，但係整體上個凱撒沙律嘅味道都係好（不過我自己

 

就建議千祈唔好加燒雞囉）！

 

        Fish N' chip 都很香脆、薯條好好味！（不過，你就千祈唔好計較 D

 

魚柳夠唔夠魚味囉！）而個羊架很香很嫩滑又夠入味，正！至於個安格斯牛扒，

 

仔仔就話好味，但朋友阿 K 同 G 都話個牛排太韌，反而個羊架仲嫩滑過 D牛

 

排！另外配菜嘅甜蕃薯就真係好甜，好好味！

 

        本來決定嚟尼道食飯，諗住會有慶祝生日嘅氣氛，因為當年响道食生日

 

飯，佢哋餐廳會有一個特色甜品送比壽星公嘅；個甜品插住支蠟蠋，仲足夠

 

10個人分享嘅添，而且餐廳仲會送一張即影即有相比壽星公添嫁！但而家，

 

位壽星公只係得一件 New york chesse cake 咋！真係大縮水呀！（餐廳話

 

如果唔要件免費甜品嘅話一係就會免切餅費喎！吓？多謝晒喎！）

 

         埋單 $1,298，ok 啦！（佢哋平均一道菜要 $100 蚊多 D 嫁！）