上星期四（年初八）與好友 E、T & Y 到訪朋友 O 有份的英都燒味
食飯。朋友 O 做老闆噃，我哋梗係要支持啦！
一坐低，看見裏裏外外都從新裝修過，光猛了很多，沒有了以往的殘
破感，又沒看見那些打工皇帝（舊伙記）嘅嘴臉，更加沒有了那個做唔做都
好似無乜所謂嘅老闆！取而代之嘅係一個有禮貌嘅姨姨、朋友 O 同佢嘅拍檔
！仲有係個厠所都乾淨晒！
由記得層經幫襯過英都已經係 N N 年前嘅事了，果次仲要係不歡而
散嘅添！因為當年英都嘅燒鵝、燒爉係好出名嘅，所以我奉命去買半隻燒鵝
回家做節，但係由於果日消情相當好；所以排到我嘅時候只係淨番 last一隻
燒鵝，正當我叫師博砍埋果半邊果鎮，就突然間有個熟客私奶 jim 咗去櫃枱
同老闆嗲咗兩句，話要買一隻燒鵝，結果老闆就立刻叫師博 hold 住隻鵝…
就係咁 last 一隻嘅燒鵝，就比個打尖嘅熟客買咗！嘿，我幾嬲呀！自此之
後我就無去過啦！唔…太過份啦打尖！嘿…點解我果時唔惡 D 呢？！
今晚朋友 O 推介咗個好香濃嘅咖啡同介紹咗幾個小菜：啫啫雞煲、
燒味并、炒波菜、魚香茄子煲及炒飯。個咖啡（係中式嘅）的確係幾香濃，
而啫啫雞煲辣辣地幾香夠惹味，Y 雖怕辣；但係都話味道幾 ok；燒豬很脆；
燒鵝夠入味；魚香茄子的確係幾香；炒飯都唔錯。埋單 $200 幾蚊，得閒可
以去試試！
佢哋仲有訂燒豬服務（有車有師傅尊人砍燒豬嫁！）詳情請致電：
23297275 聯絡鄧生
英都燒味廚房
英都燒味工房
九龍，黃大仙（鳳凰村），
雙鳳街 20 號
Tel.: 23297275
（訂燒豬服務 : 聯絡鄧生）
沒有留言:
發佈留言