這個沒有花、一點都唔 romantic 嘅情人節，不過卻過得很 sweet
& warm，因為我們收到妹妹親身速遞；自家整嘅朱古力，雖然甜了點，但
仍然係 ok 嘅，老公同仔仔都話酒心朱古力好 ok！
今晚我準備了羊架 $98/6 件及急凍廣島蠔 $96/11隻，於是在妹妹
協助下，我們完成了 5 個人的晚餐：煎羊架、芝士焗蠔及白汁煙肉意粉，
還有現成的 Pie & Tart 嘅 dessert ：–薄荷朱古力杯
、芒果芝士杯 及 Tiramisu 添！（估唔到佢哋嘅薄荷朱古力杯同芒果芝士杯咁好味嘅！）
以第一次制作煎羊架及芝士焗蠔嚟講我哋都算合格了，皆因個羊架真係
好正，就如老闆所言，不須要事先醃定羊架；只要响煎∕焗時放點鹽及百里香
，已經好香好入味了！而芝士焗蠔方面不夠香及熟了點，就係老公因為怕 D
蠔好難焗熟，所以拖水拖耐咗囉！（無偈啦！鬼叫我自己唔聽話攪到胃痛兼
腸胃炎發作病咗幾日咩！）但總括嚟講個芝士焗蠔嘅味道都 ok 嫁！
哈…原來 Mozzarella chesse ＋紹慶酒 ＋少少鹽＋生粉，焗出嚟嘅
蠔 D 味道都幾夾固喎（哈！原來唔一定要用白酒嫁喎）！呀…話時話ㄚ，
包碎裝嘅 Mozzarella chesse 其實仲貴個 pat 蠔呀，要買成 $54. 個幾，
pat 蠔都係 $48蚊咋就有成 5- 6 隻嗱！Anyway, 包芝士都係用唔晒嘅！
哈哈！今次信心大咗，下次試吓整個炸蠔先！
唔…食埋甜品今餐真係好 perfect 呀！
↓妹妹嘅手作朱古力
↓
↓煎羊架及白汁煙肉意粉↓
↓芝士焗蠔↓
↓現成 Dessert ：–薄荷朱古力杯
、芒果芝士杯 及 Tiramisu↓
沒有留言:
發佈留言