昨晚同 4 個老友聚會，T 仔原先提議不如去佐敦 文苑街食日本串燒，
但因為我怕唔夠飽，所以改咗去隔鄰的濱松町，T 話尼間 D 食物都幾 Ok 嫁！
於是我哋就匆匆打電話去 book位。
第一次嚟尼道食野，仲諗住唔駛 book 位添！ㄚ！ 原來尼道 week day
都算幾多人固喎，仲大部份係熟客添！我哋 5 個人坐埋近門口張枱就剛剛好
full 晒。
我哋初初都 order 得好斯文，只係叫咗個三文魚芒果沙律、軟殼蟹手
卷同刺身并盆$198（帶子、油甘魚同唔知乜魚）（因為可以簡三樣，本來想
叫海膽，不過佢哋話海膽要成板咁要，哈！咁就應該响個并盆 list道 cancel
佢ㄚ嗎！），但係點知佢哋上菜都係上得咁斯文喎，逐樣逐樣咁上。依！
坐坐吓覺得唔對路喎！再係咁逐碟逐碟嚟，幾時先至食飽呀！於是我哋就一
次過叫晒其他野：–串燒并盆、燒牛舌、日本燒餅、牛柳粒窩蛋飯、牛油
焗蠔、芝蔴雞翼烏冬、燒芝士年糕同梅乃縮（米酒）。（吓？！回奶縮？D
日本人改埋 D 酒名真係古零精怪，好係大吟瓖咁→大淫樣；咁梅乃縮→回奶
就梗係縮嫁啦！哈哈哈…連阿 J 都 agree，嘻！阿 Fi 又笑啦！）
串燒并盆有：–雞軟骨、豬頸肉、帶子、冬菇、粟米、腎同京葱）
。
大至上個串燒并盆樣樣都好好味，不過最估唔到係燒冬菇都可以咁好味！
阿 Fi 話個冬菇唔知係咪加咗D 日本豉油喎！其實佢哋嘅串燒都幾香又夠入味，
其他好味嘅有：軟殼蟹手卷、燒牛舌、牛柳粒窩蛋飯同日式燒餅。
而食食吓因為衰仔 T 問我做乜唔食牛柳粒窩蛋飯，我話自己戒咗食
牛肉好耐。哈！結果個衰仔 T 記仇地話我做乜自己唔食牛肉又叫牛肉，又
唔肯叫龍蝦粥喎？！哈！衰仔 T ㄚ！又係你自己話要叫 D 飽肚 D 嘅，咁
阿 A 又話要食飯…於是我在衰仔 T ‘喑喑噚噚’底下我就食咗啖飯…ㄚ！
味道又唔錯喎！（我哋又响道鬥嘴，真係懷念以往我哋四周圍去飲飲食食
、打波、旅行嘅時光…）
由於我同阿 J 成日昅住隔離枱 D 野，又唔知好香果碟野叫乜，於是
隔離枱就好好人咁話比我哋聽，果碟其實係叫做：燒芝士年糕！哦…原來
佢真係味道超讚嫁！燒得香香嘅糯米裏面包住軟滑濃濃嘅芝士，好好味ㄚ！
哈！其實 D 日本人發明嘅燒餅都幾似 pizza 固喎，只不過佢係用 D 蛋包
住 D 餡啫（佢仲有少少芝士响中間嫁）！
食完野仲有甜品送，係雪米糍∕糖水（紅豆莎），我同阿 J 簡咗紅
豆莎，D 豆都煲開晒嘅，不過味道就係麻麻，早知就要芒果味雪米糍啦！
埋單 $940 幾蚊，1 人平均都係 $190 蚊都幾抵！我個人推介必點
之選係：燒芝士年糕、串燒并盆同刺身，因為佢哋嘅刺身都幾鮮甜，而且
waitress 姐姐會話比你聽當日嘅刺身新鮮唔新鮮添！阿 T 仔仲話尼道有一
個好好味三角形嘅：博多黃金屋，都係佢每次必點之選喎！（ㄚ！佢又問我
做乜頭先唔幫佢叫…又嚟啦！豈有此理ㄚ…我點知喎…阿 J 打佢…跟住阿 Fi
又叫揸緊車唔好玩啦…我哋呦完又揸車入緊去將軍澳聰嫂食糖水啦！）
尼道都唔算細，有成十枱八枱嫁，而且食客大部份是熟客，人情味都
幾濃！洗手間雖然得一格，不過都算乾淨！但要注意由落單至上菜嘅時間都
算耐，所以若是要急趕食飯或趕時間就要考慮清楚啦！
濱松町
佐敦,渡船角,文苑街 14號 地下
Tel.: 2374 3536
沒有留言:
發佈留言