原來在我印像中遇然經過的自坐 Yogurt 店係係尼道，唔怪得知我一直都諗
唔起間舖係邊道啦！皆因我有幾何出去加連威老道至得架！
既然咁難得經過，我同仔仔實行捨命陪君子，一於入去會一會佢啦！
點解我咁講，咪就係皆因果晚我同朋友剛剛去完 OutBack Steak House
食飯之後；又再同 Sa Sa 去甜蜜蜜食完甜品都唔夠半個鐘，阿仔仔仲要打孖
食咗兩個甜品添嫁（有成 3 個雪糕球嘅香蕉船再加個芒果西米露）！咁你話
我哋倆母子係咪好得人驚呢？食咁多甜品落肚仲唔係捨命陪君子？！
入到去，未食咋，淨係見到咁多色彩鮮艷嘅配料，都已經令到我哋異
常興奮啦！難怪仔仔幫我唧完雪糕果鎮，就突然間好理智咁話佢哋好識做生
意（用自坐型式），皆因係人見到有咁多雪糕同配料任你簡；你一定會心多
多尼樣又想試果樣又想試，結果唔覺唔覺就愈簡愈多咗，到最後你發覺果鎮
就已經要比錢啦！咁你仲點可以退貨呢？最終你分分鐘就食咗個超貴嘅
yogurt 囉！原因佢哋只係買 $15/100g，但係你最少都會擺低 $30 - $40
拾蚊囉！
雖然經過仔仔咁講，但係我都忍唔住試咗兩款雪糕朱古力味同咖啡味
，不過點解人哋唧得咁靚嘅？唉！我經已有仔仔幫我唧；而我只係齋揸住個
杯轉啫，都攪到好似 pat xx 咁……嗚嗚……講番我最終簡咗朱古力同咖啡
口味嘅 yogurt，而配料方面有：啫喱糖 4粒、細細粒嘅爆珠、哈蜜瓜粒同
芒果味爆珠(埋單 around $40)。而仔仔就簡咗藍色嘅棉花糖味、雲尼拿同
芒果口味嘅 yogurt，而配料方面有： orial 餅同芒果味爆珠(埋單 around
$49.6)。
至於味道方面，佢雖然無咗乳酪嘅酸味，不過反而令我覺得更似雪糕；
而且朱古力同咖啡口味嘅 yogurt 的確係好好味，我鍾意咖啡有香濃咖啡味
，令我覺得好似嘆緊啖咖啡咁！最正嘅係 D 細細粒、白白地色嘅爆珠；又爽
又有口感，撈埋 D yogurt 一齊嚟食個感覺好得意。其實 D 芒果味爆珠都唔
錯嫁！不過仔仔就話藍色嘅棉花糖味同芒果味嘅 yogurt, 再加埋 D orial 餅
一齊食會好好味喎，但係我就唔識欣賞 D 略帶藥味∕加工過嘅味道啦！（雖
然佢哋標榜話係 natural 味道！）
↓見到咁多五顏綠色嘅配料，係咪令到你花多眼亂、心郁郁想去試呢？↓
Orangi - Yo
尖沙咀,加連威老道41C-D號
嘉威大廈, 地下 3號舖
沒有留言:
發佈留言